Israelek Yeningo ospitale batean egindako "epaiketaz kanpoko exekuzioak" salatu ditu NBEk
Giza Eskubideetarako Nazio Batuen Bulegoak salatu duenez, Israelek Zisjordaniako Yenin hiriko Ibn Sina Ospitalean egindako operazioa "aurreikusita zegoen epaiketaz kanpoko exekuzio bat" da. Astearte honetan, zibilez eta medikuez mozorrotutako soldaduak ospitale horretan sartu dira, eta hiru miliziano palestinar hil dituzte.
Volker Turk NBEko goi komisarioaren bulegoak Israelgo agintariak premiatu ditu "Zisjordaniako palestinarren legez kanpoko hilketak berehala geldiarazteko". Urriaren 7an Gazan liskarrak hasi zirenetik, hilketen kasuak ugaritzen ari dira etengabe.
Erakundeak nabarmendu duenez, hildakoen artean 18 urteko gazte bat zegoen, Yeninen (Zisjordania iparraldea) egindako aire-erasoan izandako zauriengatik mugitu ezinik. Gaztea ospitaleko ohe batean zegoen buruan tiro egin diotenean.
Israelgo armadak argudiatu duenez, hildakoek Israelen eraso terroristak egiteko asmoa zuten, eta, beraz, "neutralizatu egin dituzte".
Gatazkari buruzko eguneroko txostenean, Nazio Batuen Erakundeko Gai Humanitarioak Koordinatzeko Bulegoak berretsi du zailtasunak daudela laguntza Gazara bidaltzeko, batez ere zerrendaren iparraldean. Izan ere, Israelgo agintariek urtarrilean planifikatutako 51 misioetatik 29ri sarrera ukatu diete.
Era berean, gogorarazi du abenduaren 1etik, astebeteko su-etenaren ostean, Israelgo agintariek ebakuazio-aginduak eman dituztela, eta horrek Gazako 158 kilometro koadrori eragin diela, hau da, zerrendako eremuaren % 41i.
Txostenak azpimarratu duenez, azken 24 orduetako liskarrak Jan Yunis herrian izan dira bereziki, Gazako hegoaldean, Nasser eta Al Amal ospitaleen inguruan.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.