Kargaontzi batek Baltimoreko zubi handiena jo eta eraitsi egin du
Zubi bat erori da Ameriketako Estatu Batuetako Baltimore hirian, kargaontzi batek zutabeetako baten aurka talka egin ostean. Bi pertsona onik erreskatatu dituzte, eta suhiltzaileak gutxienez zazpi pertsonaren bila ari dira Patapsco ibaiaren uretan.
01:30ak aldera, Singapurreko bandera duen itsasontzi batek Baltimoreko zubi handiena dena (Francis Scott Key zubia) jo eta bota egin du. Ezbeharraren unean hainbat auto ari ziren bertatik pasatzen.
James Wallace Baltimoreko suhiltzaileen buruak Poliziarekin batera eskaini duen prentsaurrekoan azaldu duenez, bi pertsona onik erreskatatu dituzte. Horietako batek osasun arreta jasotzeari uko egin dio eta bestea osasun zentro batera eraman dute egoera larrian. Horrez gain, gutxienez zazpi pertsonaren bila ari direla baieztatu du, nahiz eta onartu duen zifra horrek gora egin dezakeela. Izan ere, aurrez suhiltzaile batek CNN telebista katean adierazi du "gutxienez 20 pertsona" daudela uretan.
Uraren tenperatura baxua kontuan hartuta (bederatzi gradu), ez dute denbora asko iraungo.
Bestalde, Baltimoreko Poliziaren ofizial batek gutxienez zazpi ibilgailu erori direla uretara.
Halaber, Poliziak baztertu egin du gertaturikoa nahita eragindakoa izan dela.
288,9 metro luze den Dali zamaontziak Singapurreko bandera du eta Synergy Group enpresarena da. Horren arabera, eskifaia osatzen duten 22 pertsonak onik daude eta agintariekin elkarlanean ari dira gertaturikoa argitzeko.
Momentuz, Baltimoreko portuko trafikoa bertan behera utzi dute.
2,5 kilometro luze eta 56 metro garai da Francis Scott Key zubia, eta 1977ko martxoaren 23an inauguratu zuten.
Francis Scott Key zubia, Baltimoren. Argazkia: Dharrah87
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.