Israelgo Armadak Gazako Al Shifa ospitalea utzi du, bi asteko setioaren ostean
Israelgo Armadak Gazako Al Shifa ospitalea utzi du gaur goizaldean, bi astez Zerrendako ospitale handiena setiatuta eduki ostean, Gaza hiriko iturri palestinarretatik jakitera eman dutenez.
Israelgo tropen operazioa martxoaren 18an hasi zen, eta diote 200 miliziano hil eta Hamaseko eta Jihad Islamikoko 500 kide identifikatu dituztela, 800 bat susmagarri galdekatu ostean.
"Israelgo indarrek Al Shifa ospitalearen inguruko ekintza zehatzen jarduera amaitu dute eta ospitalearen ingurua utzi dute", baieztatu du ordu batzuk geroago Armadak.
"Tropek terroristak hil dituzte aurrez aurreko borroketan, eta armak eta inteligentzia txostenak aurkitu dituzte ospitalearen barruan", zehaztu du.
Israelentzat urriaren 7tik egin duen operazio "arrakastatsuenetako bat" izan da Al Shifan egindakoa, atxilotu edo hil dituzten ustezko "terrorista" kopuruagatik, eta Zerrendako milizianoak berriro elkartzea galarazi dutelakoan.
Palestinako iturriek azaldu dutenez, aireko eta frankotiratzaileen erasoen erdian utzi dute ospitalea Israelgo indarrek, eta erabat suntsituta geratu dira inguruko eraikinak ere, su eman baitzieten Israelgo Armadaren operazioaren baitan.
Israelek Gazako Zerrendan hein batean martxan zegoen ospitale apurretako baten aurka egiten duen laugarren erasoa da, ustez inteligentzia zerbitzuak bertan milizianoak zeudela jakinarazi ostean.
Dena dela, Gazako Osasun Ministerioak jakinarazi du ospitalearen aurkako oldarraldiak gutxienez 400 hildako utzi dituela.
107 gaixo, gehienak egoera kritikoan, eta 60 osasun langile ospitalearen beste eraikin batera eraman zituzten setioa hasi zenean, baina beharrezko baliabiderik gabe.
"Armada goseak hiltzen ari da gaixoak eta osasun langileak, hainbat egunez elikagairik eta urik eman gabe", salatu zuten ospitaleko medikuek, gaixoekin zeuden pertsona asko "hil, atxilotu edo hegoaldera kanporatu" dituztela jakinarazi aurretik.
Euro-Mediterranean Human Rights Monitor Gobernuz Kanpoko Erakundeak nazioarteko ikerketa "zehatz eta inpartziala" eskatu du setioaren inguruan, Al Shifaren inguruko etxebizitzetan soldadu juduek arpilatzeak egin dituztela jakin baitute bertako lekukoen eskutik.
Zure interesekoa izan daiteke
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.