Jose Andres sukaldariak, Israeli: "Gerra ezin da irabazi biztanleria oso bat gosez hiltzen"
Jose Andres sukaldari espainiar eta World Central Kitchen (WCK) gobernuz kanpoko erakundearen sortzaileak gogor egin du Israelen kontra, horrek bere taldeko zazpi langile misil bidez hil ostean.
The New York Times egunkarian kaleratutako iritzi artikulu "Let People eat" (Utzi jendeari jaten) batean dioenez, "bahitutakoak ez dira onik irtengo Gazako eraikin guztiak bonbardatzen badira. Gerra ezin da irabazi biztanleria oso bat gosez hiltzen".
"Bada garaia Israelen onena ateratzeko", erantsi du. Horren ustez, Tel Avivek honakoak egin beharko lituzke lehenbailehen: "Elikagaiak eta botikak helarazteko lurreko bide gehiago zabaldu behar ditu, zibilak eta langile humanitarioak hiltzeari utzi eta bakearen bide luzean gaur bertan hasi".
WCKren sortzailearen arabera, erasoa Israelen politikaren "ondorio zuzena da", izan ere, "laguntza humanitarioa maila etsigarrira gutxitu zuen, eta ondorioz, gure taldeko kideek euren bizia arriskuan jarri zuten, elikagaiak oso eskasak zirelako eta behar larria zegoelako".
Jose Andresen esanetan, Gazako biztanleriaren erdia gosez hiltzeko arrisku bizian dago. "Gure erakundeak ez luke bidaia hori egingo elikagai nahikoa balego", salatu du.
Israelek egin beharreko ikerketari buruz, sukaldariak uste du "goitik" hasi behar dela, ez bakarrik "behetik". Kritikatu duenez, Israelgo Armadak bazekien zein mugimendu egin behar zituen WCK erakundearen konboiak eta, halere, "eraso zuzena" egin zion.
Azkenik, erasoan hildako zazpi beharginen aldeko hitzak izan ditu Andresek: "Gizateriaren onena ziren. Bazuten aurpegia, izena; ez ziren langile humanitario generikoak, eta ez dira gerraren albo ondorioak".
Hildakoak honakoak dira, erakundearen arabera: Saifeddin Issam Ayad Abutaha palestinarra, Lalzawmi Frankcom australiarra, Damian Sobol poloniarra, Jacob Flickinger estatubatuar-kanadiarra eta John Chapman, James Henderson eta James Kirby britainiarrak. "Zazpiek dena arriskatu zuten erabat gizatiarra den ekintza bat egiteko: gure janaria beste batzuekin partekatzea".
Albiste gehiago mundua
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.
EBk bere jarrerari eutsi eta ez du genozidio hitza erabili, NBEren txostenak Gazakoa hala dela aitortu arren
Anouar El Anouni Europar Batasuneko Atzerri Gaietako bozeramailearen arabera, "genozidio ekintza bat izan dela esateko, ebazpen judizial bat" behar da, eta, beraz, epaitegiek erabaki beharko dute hori.