Israelgo Inteligentzia buruak dimisioa eman du urriaren 7an Hamasen erasoetan izandako "erantzukizunagatik"
Aharon Haliva Israelgo Armadako Inteligentzia zerbitzuetako buruak dimisioa eman du astelehen honetan, Erresistentzia Islamikoaren Mugimenduak (Hamas) urriaren 7an egindako erasoetan izandako "erantzukizunagatik". 1.200 hildako eta 240 pertsona inguru bahituta utzi zituen erasoen ikerketa batzorde bat eratzea eskatu du, gertaeraren inguruko segurtasun akatsak aztertzeko.
"Aharon Haliva Inteligentzia Dibisioko buruak, Armadako buruzagiarekin (Herzi Halevi) koordinatuta, bere agintaldia amaitzeko eskatu du, urriaren 7ko gertakarietan Segurtasun Nazionaleko Agentziako buruzagi gisa duen erantzukizunagatik", adierazi du Armadak ohar baten bidez.
Dimisio-oharrean, Halivak nabarmendu du "Inteligentzia Dibisioak ez zuela betebeharra behar bezala bete", eta aitortu du bazekiela "agintaritzarekin batera erantzukizun handia lotuta zegoela".
Halaber, Estatuko batzorde bat sortzea eskatu du, "gertaera zail horiek eragin zituzten faktore eta inguruabar guztiak sakon eta zehatz ikertu eta zehaztu ahal izateko".
Haliva Israelgo lehen goi-kargudun politiko edo militarra da dimisioa aurkezten, urriaren 7an Hamasek eta Jihad Islamiarrak egindako erasoen inguruan izandako segurtasun akatsengatik; horren ondorioz, Israelek Gazako Zerrendaren aurkako erasoaldia egin zuen, eta orain arte 34.100 hildako inguru utzi ditu, eta eskualdean gatazka zabaltzeko beldurra areagotu da.
Zure interesekoa izan daiteke
Gazarako su-etenak bueltan ekarri ditu Gabon ospakizunak Betleemera
Gazako inbasioak Gabon giroa itzali du Betleemen bi urtez, baina, su-etenak, ahula bada ere, ospakizunak bueltan ekarri ditu, kristau tradizionalen arabera, Jesus jaio zen hirira. Zuhaitz handia jarri dute berriro Natibitatearen elizaren inguruan, eta, urteetan egin duten bezala, eskauten desfilea egin dute hiriko kaleetan.
Greta Thunberg atxilotu dute Londresen, kartzelan dauden Palestine Actioneko kideen aldeko protesta batean
Greta Thunberg atxilotu dute Londresen, palestinar preso batzuk babesteko elkarretaratze batean; alegia, Palestine Actioneko zortzi militante gose greban babesteko kontzentrazioan.
Siriako agintariek eta milizia kurduek elkarri leporatzen diote 2 hildako eta hainbat zauritu utzi dituzten erasoen ardura
Bi aldeek elkarri leporatzen diote indar kurduak Siriako Estatuan sartzeko akordioa hautsi izana. Bitartean, liskarrak gero eta ugariagoak dira.
Errusiako Estatu Nagusiko operazio burua hil dute Moskun, bonba-auto batekin egindako atentatu batean
Hasiera batean, Errusiako Instrukzio Batzordeak Ukrainako inteligentziari egotzi dio erasoa.
IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan
Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.
Israelek beste 19 kokaleku legeztatu ditu Zisjordanian
Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.