AEBko Gorena "eszeptiko" agertu da Trumpen immunitate eskaeraren aurrean, baina prozesua luza dezake
Ameriketako Estatu Batuetako (AEB) Auzitegi Gorena "eszeptiko" agertu da gaur Donald Trumpek erabateko immunitate judiziala izateko egindako eskaeraren aurrean, baina zenbait epailek gaia guztiz ez ebaztearen eta instantzia txikietara itzultzearen alde egin dute.
Bi ordu baino gehiagoko saio historikoan, bederatzi magistratuek (sei kontserbadore eta hiru aurrerakoi) John Sauer Trumpen abokatuari eta Michael Dreeben fiskalari buruzagi errepublikanoaren balizko immunitatearen inguruan galdetu diete.
Epaile gehienak "eszeptiko" agertu dira Trumpen eskaeraren aurrean, presidente baten funtzioei dagozkien ekintzak soilik immunitateak blindatuta daudela iritzita, eta ez izaera pertsonala dutenak.
Baina Fiskaltzaren jokabidearekin kritiko agertu diren magistratu kontserbadoreak ere egon dira, eta iradoki dute auzia Columbia Barrutiko Apelazio Gortera itzul dezaketela, Trumpen ekintzak publikoak edo pribatuak izan ziren zehazteko.
Horrela, Gorenak aldeen argudioak entzun ditu gaur, Donald Trumpek immunitate judiziala duen eta Kapitolioari egindako erasoaren inguruko epaiketa penala saihestu dezakeen argitzeko.
2016ko hauteskunde-kanpainan aktore porno baten isiltasuna erosteko agiriak faltsutzeagatik Trumpen aurka New Yorken egiten ari diren epaiketarekin batera egin da Goreneko audientzia.
Trumpi lau kargu penal leporatu dizkiote Washingtongo auzitegi federal batean, 2020an Joe Bidenen aurka galdu zituen hauteskundeak iraultzeko saiakeragatik eta 2021eko Kapitolioaren kontrako erasoa bultzatzeagatik, baina bere defentsak epaiketa bertan behera uztea eskatu zuen, presidente izateagatik buruzagi errepublikanoak immunitatea duela argudiatuta.
Kasua daraman epaileak eta Columbiako Barrutiko Apelazio Auzitegiak ez zuten eskaera onartu, eta Trumpek Gorenaren aurrean helegitea aurkeztu zuen, eta Auzitegiak otsailean tramitera onartu zuen errekurtsoa.
Ez dakite noiz emango duen Gorenak Trumpen immunitateari buruzko erabakia, baina ekainean argitaratu ohi ditu erabakiak, udako etenaldia baino lehen.
Fiskaltza presio egiten ari da erabaki azkar bat har dezan, martxoaren 4an hasi beharrekoa zen Kapitolioaren aurkako erasoaren epaiketa prestatzeko lanei lehenbailehen berriro ekin ahal izateko.
Trumpen estrategia, aldiz, prozesu judiziala azaroko hauteskundeak igaro arte luzatzea da; izan ere, Etxe Zurira itzuliz gero, Justizia Departamentuari bere kontrako auzi federalak ixtea agindu diezaioke.
Gorenean kontserbadoreek gehiengoa dute, eta Trumpek berak izendatu ditu bederatzi epaileetatik hiru. Auzitegi Gorenak hartuko duen erabakiak Washingtonen egiteke dagoen epaiketari ez ezik, Floridan duenari ere eragingo dio, dokumentu sekretuak ustez legez kanpo eramateagatik, eta Georgiakoari ere bai, hauteskundeak estatu horretan ustez iraultzen saiatzeagatik.
Zure interesekoa izan daiteke
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.