Raisi presidentea zihoan helikopteroa aurkitu duela jakinarazi du Irango Armadak
Irango Armadak igandeko azken orduan jakitera eman duenez, Ebrahim Raisi Irango presidentea zihoan helikopteroaren posizio "zehatza" aurkitu dute, aparatuaren seinale bati eta tripulazioko kide baten mugikorrari esker.
"Helikopteroaren istripuaren leku zehatza identifikatu dugu", adierazi du Asghar Abbasqolizadeh Ekialdeko Azerbaijango armadako komandanteak, IRNA agentzia ofizialaren arabera.
"Duela minutu batzuk helikopteroaren eta tripulazioko kide baten telefono mugikorraren seinale bat jaso dugu istripua gertatu den lekutik" esan du, eta gaineratu duenez, "baliabide militar guztiekin goaz inguru horretara, eta albiste onak ematea espero dugu".
Aurretik, Mohsen Mansouri Exekutiboko presidenteordeak ere adierazi du kontaktua eduki dutela Raisi zihoan helikopteroko bi bidaiarirekin.
Mansourik adierazi duenez, Tabrizetik, Ekialdeko Azerbaijan probintziako hiriburutik abiatu dira hiru helikoptero 13:00etan (11:30 GMT), eta 30 minutu geroago Ebrahim Raisi presidentea zihoan aparatuarekin kontaktua galdu dute.
Raisirekin batera, Hosein Amir Abdolahian Atzerri ministroa, Malik Rahmati Ekialdeko Azerbaijango gobernadorea eta Mohammad Ali Ale-Hashem Tabrizeko ostiraleko otoitzen burua zihoazen helikopteroan.
Kontaktua galdu ondoren, gutxienez 65 erreskate talde dituen dispositibo handia jarri dute martxan, baina zaila izaten ari da operazioa eguraldi txarra, euria eta lainoa dela eta. Istripua inguru menditsuan gertatu da, gainera, Ilargi Gorriak jakitera eman duenez.
Ali Jamenei Irango buruzagi gorenak jada esan du Raisi desagertu arrean, ez dela "etenik izango" Iranen.
Testuinguru honetan, ehunka pertsona bildu dira Mashad eta Qom hiri sakratuetan agintari ultrakontserbadorearen ongizatearen alde otoitz egiteko, Estatuko telebistak emandako irudien arabera.
Raisik urtegi bat inauguratu zuen igande goizean Ilham Aliev azerbaijandarrarekin batera, bi herrialdeen arteko mugan. Proiektu hori aurrerapausotzat jo zuten agintariek aldebiko harremanetan eta handik itzultzean izan da ezbeharra.
Zure interesekoa izan daiteke
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.