Ultraeskuindar batek hiru umeri eraso die Finlandian, eta horietako bat larri zauritu du
Finlandiako Poliziak eskuin muturrarekin lotura duen gizon bat atxilotu du Oulu hiriko (Finlandiako ipar-mendebaldea) merkataritza-gune batean 12 urteko haur bati labankadak emateagatik, Finlandiako Ikerketa Bulego Nazionalak (KRP) gaur jakitera eman duenez.
Erasoa ostegun arratsaldean gertatu zen. Erasotzaileak, 30 urte inguruko finlandiar batek, ezer esan gabe, hiru adingaberi eraso zien arma zuri batekin merkataritza-gune jendetsu batean.
Lekukoen arabera, erasotzaileak hainbat aldiz sastakatu zuen nerabeetako bat bizkarretik, eta beste bat sastatzen saiatu zen. Azken horrek erasotzailearengandik ihes egitea lortu zuen, nahiz eta gizonak merkataritza-gunetik atzetik jarraitu.
Biktima finlandiarra da, jatorriz atzerritarra, eta zauri larriak zituen. Berehala eraman zuten ospitalera, baina medikuen txostenaren arabera, horren bizitza ez dago arriskuan.
Ikertzaileen arabera, erasotzaileak aurrekariak ditu eta eskuin muturreko talde bateko kidea da. Ihes egin nahian zebilela, segurtasun-zaindariek atxilotu zuten.
Poliziaren arabera, segurtasun-zaindarien esku-hartze azkarra erabakigarria izan zen tragedia handiagoa saihesteko, erasotzailea uxatu eta zauritua artatu baitzuten.
Ikerketa KRPren esku utzi dute, arrazakeria eta muturreko indarkeria kasu bat delakoan. Erasotzaileak erailketa-saiakerako bi karguri egin beharko die aurre, eta zigorra areagotu daiteke arrazakeriagatik eta biktimen adinagatik.
Albiste gehiago mundua
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.