Natura Lehengoratzeko Lege polemikoa onartu du behin betiko Europar Batasunak
Europar Batasunak behin betiko onartu du Natura Lehengoratzeko Legea, Estatu kideak natura berreskuratzera behartzen duen Europako lehen araudia, azken unera arte ezustekoak izan dituen izapide zail baten ondoren. Legea bertan behera uzteko zorian egon da Hungaria, eta azken momentuan Austriaren baiezkoari esker, aurrera atera da araudia.
Biodibertsitateari buruzko Europako lehen legearen alde bozkatu dute 20 Estatu kidek; Belgika abstenitu da; eta aurka bozkatu dute Finlandiak, Italiak, Hungariak, Herbehereak, Poloniak eta Suediak, araudi berri horren gastu handia eta nekazal alorrean izango duen eragina argudiatuta.
Araudia jada negoziatuta eta hitzartuta zegoen Estatuen artean, baita Europako Parlamentuarekin ere, eta joan den otsaileko osoko bilkuran onartu zuten.
Teresa Ribera Espainiako Gobernuko Trantsizio Ekologikorako ministroaren aburuz, "oso albiste ona da europar guztientzat, eta nazioarteko biodibertsitatearentzat ere". "Orain elkarrizketa eta laguntza adostu beharko dira, eta lehen sektorearekin konpromisoa lotu", gaineratu du.
Zer da Natura Lehengoratzeko Legea?
Natura Lehengoratzeko Legea 2022ko ekainean aurkeztu zuen Europako Batzordeak, eta horren helburua da kaltetutako ekosistemen % 20 gutxienez 2030erako lehengoratzea, eta % 100 2050erako, laborantzako lurrak barne.
Asmoa zen Nazio Batuek biodibertsitateari buruzko dituzten akordioekin bat egitea, baina testua agenda berdearen inguruko borroka ideologikoaren sinbolo bihurtu da, bereziki joan den ekainaren 9ko Europako hauteskundeak hurbildu ahala.
Erreakzioak
Bruselako Itun Berdearen defendatzaileek legearen onarpena txalotu dute. Terry Reintke Europako Ganberako Berdeen taldeko presidenteak "funtsezkotzat" jo du araudi berria, Europar Batasunak Parisko helburu klimatikoa bete ahal izateko.
Bestalde, Greenpeacek ere albistea ospatu du, "legea ahuldu arren, akordio honek itxaropen-izpi bat eskaintzen dielako Europako naturari, etorkizuneko belaunaldiei eta landa-komunitateei".
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.