Joe Bidenek Errepublikanoen Konbentzioaren eta Trumpen segurtasuna bermatzeko neurriak iragarri ditu
Donald Trumpen aurkako atentatua "magnizidio saiakera" gisa definitu du igande honetan Joe Biden AEBko presidenteak eta bere lehiakide zuzena den hautagaiarentzat segurtasun maila altxatuko duela hitzeman du, eta bihar hasiko den Errepublikanoen Konbentzioan ere segurtasuna bermatzeko bere esku dagoena egingo duela agindu du.
Etxe Zuriko Roosevelt aretotik egindako adierazpenetan, trumpen ustezko erasotzailearen arrazoien inguruan espekulaziorik ez egiteko eskatu die Bidenek estatubatuarrei. "Ikerketa hasierako faseetan dago. Ez dugu tiratzailearen arrazoiei buruzko informaziorik. Badakigu nor den. Mesedez, ez egin arrazoien eta afiliazioen inguruko espekulaziorik, utzi FBIri eta inteligentzia zerbitzuei beren lana egiten", adierazi du agintariak.
"Lehenik eta behin, Trumpek, Alderdi Errepublikanoaren hautagai izendatua den aldetik, dagoeneko segurtasun maila altua jaso dezan nahi dut", adierazi du Bidenek.
Trump ez da oraindik ofizialki Alderdi Errepublikanoaren presidentegaia, eta, berez ez dagokio Zerbitzu Sekretuen segurtasun maila altu hori. Edonola ere, Trumpek, presidente ohi gisa, badu Zerbitzu Sekretuen babeserako eskubidea.
Bigarren neurri gisa, Bidenek iragarri duenez, Kimberly Cheatle Zerbitzu Sekretuko zuzendariari "Errepublikanoen Konbentzio Nazionalerako segurtasun neurri guztiak" berrikusteko eskatu dio. Bihar hasiko da konbentzio hori Milwaukeen (Wisconsin) eta ostegunera arte iraungo du.
Hirugarren neurri gisa, presidenteak ikerketa independente bat eskatu du larunbatean Butlerreko (Pennsylvania) mitinean izandako gertakarien inguruan.
Bidenek adierazi du Amerikan ez dagoela indarkeriarentzako lekurik. "Gauza askotan ados egon gaitezke edo ez, baina honelakoak ezin dira gertatu", azpimarratu du. Nabarmendu duenez, "hilketa saiakera bat defendatzen dugun ororen kontra doa", gaineratu du.
Agerraldia osatzeko, Trumpen aurkako tiroketan hildako Corey Comperatore suhiltzaile ohi eta ikuslearen familiari, doluminak eman dizkio eta zauritutako bi lagunen familiei babesa eman die.
Albiste gehiago mundua
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.