Batasunerako deia egin du Trumpek, eta, hunkituta, bere hautagaitza onartu du
Ohikoa duen tonu zakarra alde batera utzita, Donald Trump AEBko presidente ohi eta Alderdi Errepublikanoko hautagaiak batasunerako deia egin du errepublikanoen konbentzio nazionalean, eta bere hautagaitza onartu du. "Gure gizartearen zatiketa osatu behar dugu. Denen presidentea izango naiz", aldarrikatu du.
"Konfiantza, indar eta itxaropen beteko mezuarekin natorkizue (...) AEB osoaren presidentegaia izango naiz, ez biztanleriaren erdiarena, ez baita garaipenik erdia bakarrik lortuta", adierazi du belarrian benda agerian duela oraindik.
Milwaukeen (Wisconsin) astelehenean abiatu zuten Errepublikanoen Konbentzio Nazionalaren itxiera ekitaldian mintzatu da Trump. Batzarrak Etxe Zurirako presidentegaia (Trump bera) eta horren presidenteordea (J.D. Vance Ohioko senataria) izendatzea zuen helburu.
Hilketa saiakera oso presente egon da hitzaldian, eta askotan aipatu du larunbatean oihukatutako hitza: fight (borrokatu). Besoa askotan altxatu du, atentatu egunean bezala.
Une horiek zelan gogoratzen dituen ere kontatu du. "Oso mingarria da", onartu du. Azaldu duenez, bizirik badago, immigrazioari buruzko grafiko bat erakusteko burua mugitu zuelako da. "Burua mugitu izan ez banu, hiltzailearen bala barruraino sartuko zitzaidakeen eta ez nintzakete gaur gauean hemen egongo, ez ginateke elkarrekin egongo", aitortu du.
Une jakin batean, "soinu gogor bat" entzun zuen. "Neure buruari esan nion: 'Guau, zer gertatu da? Hau bala bat baino ezin da izan, eta nire eskuineko eskua mugitzean eta belarria ukitzean odola igarri nuen", azaldu du.
Ingurua odoleztatuta ikusi zuela adierazi du, baina "ez nintzen beldur izan, Jainkoa ondoan nuela atzeman bainuen".
Biden eta Harris aurkariak aipatu gabe
Buruzagi errepublikoanoak ez du Joe Biden AEBko presidentearen eta Kamala Harris presidenteordearen inguruko aipamenik egin, baina Alderdi Demokrata jomugan jarri du berriro. "Ez dugu disidentzia kriminalizatu eta ezberdintasun politikoa kritikatu behar. Hori da gure herrialdean ikusten ari garena azkenaldian, inoiz ez bezala. Alderdi Demokratak sistema judiziala arma gisa erabiltzeari utzi beharko lioke, eta aurkari politikoa demokraziaren etsaitzat hartzeari utzi beharko lioke", adierazi du.
Azaroko hauteskundeetan AEBk dituen arazoei heldu eta herrialdea "arrakastatsua, handia eta askea" izateko eginahalak egin beharko lituzketela esan du. "Politikak larregitan zatitzen gaituen honetan, denak kideak garela hartu behar dugu gogoan. Jainkoaren menpeko nazioa gara, zatiezina", erantsi du.
Gainerakoan, ohiko gaiak izan ditu hizpide: "migratzaileen inbasioa", Bidenen Administrazioak Gizarte Segurantzari egindako "kaltea" eta inflazioaren kontrako borroka. Lehenengoaren harira, iragarri du Mexikoko muga itxiko duela bere agintaldiko lehen egunean.
Albiste gehiago mundua
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.
EBk bere jarrerari eutsi eta ez du genozidio hitza erabili, NBEren txostenak Gazakoa hala dela aitortu arren
Anouar El Anouni Europar Batasuneko Atzerri Gaietako bozeramailearen arabera, "genozidio ekintza bat izan dela esateko, ebazpen judizial bat" behar da, eta, beraz, epaitegiek erabaki beharko dute hori.