Armamentu-norgehiagoka
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Putinek AEBri esan dio Errusiak ere misilak zabalduko dituela, hark Alemaniara egindako bidalketari erantzunez

"AEBk eta horren eliteek Europan eta munduko beste eskualde batzuetan" egindako ekintzetan oinarrituta hedatuko ditu armak Errusiak. Etxe Zuriak hil honetan iragarri duenez, 2026tik aurrera hasiko da Alemanian irismen luzeko armak pixkanaka hedatzen, Funtzio Anitzeko Lantaldearen barruan.
Vladimir Putin, gaur.
Vladimir Putin, gaur.
author image

Agentziak | EITB Media

Azken eguneratzea

AEBk Alemaniara irismen luzeko armak bidaliko dituela iragarri ondotik, laster etorri da Errusiaren erreakzioa. Vladimir Putinek igande honetan azaldu duenez, irismen labur eta ertaineko misil-sistemaren garapena azken fasean dago jada. 

"AEBk bere asmoak aurrera eramaten baditu, irismen ertain eta laburreko eraso-armen hedapenari buruz aldez aurretik onartutako aldebakarreko moratoriatik aske gaudela ulertuko dugu (...). Sistema horietako batzuen garapena azken etapan dago", adierazi du Putinek itsas armadako indarren desfilean.

Putinen hitzetan, "AEBk eta horren eliteek Europan eta munduko beste eskualde batzuetan" egindako ekintzetan oinarrituta hedatuko ditu armak Errusiak. 

Etxe Zuriak hil honetan iragarri duenez, AEB 2026tik aurrera hasiko da Alemanian irismen luzeko armak pixkanaka hedatzen, Funtzio Anitzeko Lantaldearen barruan.

Erabat garatuta daudenean, SM-6 misilak, Tomahawk misilak eta arma hipersonikoak izango dituzte irismen luzeko unitate horiek, Europan erabiltzen direnak baino askoz irismen handiagoa dutenak.

Errusiako agintariaren arabera, etorkizunean ojiba nuklearrekin pareka daitezkeen misil horien irismen-eremuan izango dira Errusiako instalazio militar eta zibil garrantzitsuak.

Bestalde, Putinek azpimarratu du AEBk bere lurraldetik Danimarkara eta Filipinetara misil sistemak transferitzeko probak eginak dituela, ariketa militarretan. 

"Egoera honek Europan irismen ertaineko Pershing misil estatubatuarren hedapenarekin lotutako Gerra Hotzeko gertaerak gogorarazten ditu", agintari errusiarraren ustez. 

Munduko albisteak Vladimir Putin Ameriketako Estatu Batuak Errusia Alemania Nato Ipar Atlantikoko Iitunaren Erakundea Eguneko Titularrak

Zure interesekoa izan daiteke

HAVANA (Cuba), 13/03/2026.- A handout photo made available by the Office of the President of Cuba showing Cuban President Miguel Diaz-Canel speaking during a press conference in Havana, Cuba, 13 March 2026. The Cuban government stated that the island 'has not relinquished its sovereign right to receive oil supplies', amid a severe energy crisis and an oil embargo imposed by the US since January, which has led to increased power outages. (La Habana) EFE/EPA/ALEJANDRO AZCUY / CUBA PRESIDENT OFFICE / HANDOUT HANDOUT EDITORIAL USE ONLY/NO SALES
18:00 - 20:00
ZUZENEAN
Duela  min.

Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"

Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste. 

Gehiago ikusi
Publizitatea
X