Israelek baieztatu du Mohamed Deif Hamaseko buruzagi militarra hil zuela uztailaren 13ko erasoan
Israelgo armadak Mohamed Deif Hamaseko militarreko buruetako bat hil duela baieztatu du uztailaren 13an Mawasiko eremu humanitarioan, Gazako Zerrendaren hegoaldean, izandako erasoaldian. Bertan, beste 90 palestinar ere hil ziren.
Deif talde islamistaren 'bigarren" burutzat jotzen da Deif, Yahya Sinwarren atzetik, eta laurogeita hamarreko hamarkadaz geroztik Israelgo bilatuenen zerrendan zegoen; izan ere, eraso terrorista ugari egitea eta planifikatzea leporatzen zaizkio.
Al Qasam Brigadetako buruzagia Rafaa Salameh bere kidearekin batera hil dute Mawasiko eremu humanitarioan egindako bonbardaketa batean, Jan Yunis herriaren mendebaldean. Zerrendako osasun agintarien arabera, gainera, erasoaldi horrek beste 90 hildako eta 300 zauritu baino gehiago utzi ditu.
Orain arte, Israelgo Armadak ez du buruzagiaren heriotza egiaztatu, baina joan den astean "gero eta zantzu gehiago" zeudela esan zuen, eta ostegun honetan baieztatu du bera dela hildakoetako bat. Hamasek, baina, oraindik ez du baieztatu.
Israelen arabera Deif, Sinwarrekin batera, urriaren 7ko erasoaldiaren buruetako bat da, 1.200 hildako eta 250 bahitu eragin zituena. Gogoratu behar da erasoaldi horrek Gazako Zerrendako egungo gerra piztu zuela, eta dagoeneko 39.400 palestinar bahino gehiago hil dituela.
1965ean Jan Yunisen jaio zen Deif eta Hamasekin 1987an elkartu zen Lehen Intifadaren hasieran. 1990ean lehen aldiz kartzelatik irten ondotik, ziztu batean igo zituen postuak talde islamistaren barruan.
2000. urtean berriz ere espetxean sartu zuten, baina ihes egitea lortu zuen, eta 2002an Bigarren Intifadaren puntu gorenean, Al Qasam Brigadetako buru koroatu zuten, Israelek bere buruzagia, Saleh Shehada, hil ondoren. Hortik aurrera Deif taldearen estrategia militar osoaren muina bihurtu zen.
Israelek Hamasi emandako bigarren kolpea da, atzo Ismail Haniyeh taldeko buruzagi politiko nagusia hil ondoren Teheranen. Iranek Israeli egozten dio erasoa, honek, ordea, gaur gaurkoz ez du baieztatu bera izan denik.
Zure interesekoa izan daiteke
Rafahko pasabidea oso modu mugatuan irekitzeko prestaketa lanetan dabil Israel
Gazako Zerrenda eta Egipto lotzen dituen pasabidea gaur zabalduko zutela iragarri arren, Israelgo Gobernuak zehaztu du "atariko prestaketen fase pilotu" bat egiten ari direla, eta palestinarrak ezin direla oraindik bertatik igaro. Gazako Osasun Ministerioak ere esan du ez duela OMEren baimenik jaso. 150 gazatar daude Zerrendatik ateratzeko zain.
Liam Conejo Ramos bost urteko haurra eta haren aita kartzelatik ateratzeko agindu du epaile batek
San Antonio Express-News egunkariak jasotzen duenez, datorren asteartean askatzea aurreikusten da.
Milaka israeldar eta 1948ko palestinar bildu dira Tel Aviven, hiri arabiarretan sufritzen duten indarkeria salatzeko
2025ean 252 arabiar israeldar hil zituzten komunitate arabiarretan, aurrekaririk gabeko zifra bat, hein batean, agintari eta polizia israeldarren pasibitatearen edo konplizitatearen ondorioz.
Milaka pertsona kalera atera dira Minneapolisen eta AEBko beste hiri batzuetan, ICEren eta Trumpen kontra
Astebete da agente federalek Alex Pretti erizaina tiroz hil zutela, eta orduan gertatu zen bezala, manifestazioez gain, greba deitu dute protesten deitzaileek. Bruce Springsteenek kontzertua eskaini du, eta irabazitakoa ICEk hildako herritarren familiei emango diela esan du.
Israelek 32 lagun, tartean 7 haur, hil ditu larunbat honetan Gazan
Israelgo Armadak Zerrendaren aurkako "eraso ugari" baieztatu ditu, eta Hamaseko eta Jihad Islamikoko lau "komandante eta beste terrorista batzuk" hil dituela esan du, eraso horiek non gertatu diren zehaztu gabe.
Aznar Epsteinen paperetan ageri da, pederastaren ordainketa baten eta bi paketeren hartzaile gisa
Argitaratutako azken dokumentuetan jasotzen denez, Epsteinek 1.050 dolar ordaindu zizkion Jose María Aznarren izenean bere bidaia-agenteari 2003ko urriaren 17an. Paketeei dagokienez, esplizituki bidali ziren presidente ohiaren izenean: lehenengoa, Moncloara, 2003ko irailean, eta bigarrena, FAES fundazioaren egoitzara, 2004ko maiatzean.
Delcy Rodriguezek amnistia orokorra proposatu du Venezuelan "zauriak sendatzeko"
Chavismoaren agintaldi osoari eragingo lioke, baina ez lituzke barkatuko hilketak, droga-trafikoa edo giza eskubideak urratzea egotzita zigortutako pertsonak.
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.
Epsteinekin lotutako hiru milioi orrialde argitaratu ditu Trumpen Gobernuak, tartean 2.000 bideo eta 180.000 irudi
Epsteinen Artxiboen Gardentasun Legeak abenduaren 19a ezarri zuen New Yorkeko finantzarioarekin lotutako dokumentu guztiak argitaratzeko epe gisa, eta, beraz, Trumpen Administrazioak teknikoki legea urratu du.
Milaka zuzik Eskoziako Lerwick herriko kaleak argitu dituzte Up Helly Aa jaialdi bikingoan
Jaialdi hau urtero ospatzen da Eskoziako Shetland uharteetan, Gabonetako denboraldiaren amaiera ospatzeko. Ekitaldirik ikusgarriena Lerwickeko kaleetan zehar egiten den zuzi-prozesioa da, bikingoen itsasontzi baten erreplika bati zuziak jaurtita amaitzen dena.