EBko zazpi herrialdek, Espainiak barne, aktak argitaratzeko eskatu diete Venezuelako agintariei
Espainiako, Alemaniako, Frantziako, Italiako, Herbehereetako, Poloniako eta Portugalgo gobernuetako arduradun nagusiek adierazpen bateratu batean eskatu dute igandean Venezuelan egindako hauteskundeetako aktak argitaratzeko, eta "gogor" gaitzetsi dituzte atxiloketak.
"Igandean presidentea aukeratzeko hauteskundeen ostean Venezuelan bizi dugun egoeraz oso kezkatuta gaudela adierazi nahi dugu", dio oharrak. "Venezuelako agintariei aktak azkar argitaratzeko eskatzen diegu, hauteskunde-prozesuaren erabateko gardentasuna eta osotasuna bermatzeko", gaineratu dute bertan.
Zazpi herrialde horietako buruek nabarmendu dutenez, oposizioak hauteskunde-mahaietako "akten % 80 baino gehiago" jaso eta argitaratu ditu. "Egiaztapen hori funtsezkoa da Venezuelako herriaren borondatea aitortzeko", erantsi dute.
Hain zuzen ere, astelehenean amaituko da Venezuelako Justizia Auzitegi Goreneko Hauteskunde Salak Hauteskunde Kontseilu Nazionalari uztailaren 28ko hauteskundeetako aktak entregatzeko ezarritako epea. Horretarako, bulego bat jarri du, eta eguneko 24 orduetan du zabalik.
2.000 pertsona atxilotu dituzte hauteskundeetako emaitzen aurkako protestetan
"2.000 preso ditugu, Tocoron eta Tocuyito espetxeetara joango dira. Zigorrik handiena jasoko dute, justizia. Oraingoan ez da barkamenik izango, oraingoan ez da barkamenik izango, oraingoan Tocoron izango da", esan du Madurok larunbat honetan Caracasen, bere jarraitzaileen aurrean. Madurok gaineratu du atxilotuek egindakoa "oso larria" dela eta "justizia" egingo dela.
Bitartean, milaka lagunek, Nicolas Maduroren chavismoaren aurkakoek, protesta egin dute larunbat honetan Venezuelan.
Ildo horretan, aipatutako zazpi herrialdeetako agintarien adierazpen bateratuaren arabera, "venezuelar guztien eskubideak errespetatu behar dira prozesu honetan, bereziki buruzagi politikoenak".
"Irmo gaitzesten ditugu horien aurkako atxiloketa edo mehatxu guztiak", esan dute, eta protesta eta bilera baketsuak egiteko eskubidea aldarrikatu dute. "Egoera estu-estu jarraituko dugu gure kideekin batera, eta Venezuelako herriaren demokraziaren eta bakearen aldeko deia babesten dugu", azaldu dute.
Albiste gehiago mundua
90.000 pertsona inguru elkartu dira Arizonan, Charlie Kirken omenaldi ekitaldian
Arizonan, State Farm futbol estadioan antolatu dute Charlie Kirken aldeko omenaldia. Irailaren 10ean hil zuten tiroz gazte ultraeskuindarra eta AEBetako toki guztietatik joandako 90.000 lagun elkartu dira hura omentzeko. Estadioak 70.000 lagunentzat du lekua, baina beste 20.000 eserleku ere jarri dituzte bertaratuei lekua egiteko. Segurtasun neurriak ikaragarriak dira estadio inguruan. Jende askok gaua ere inguruetan pasa du omenaldira joateko.
Netanyahuk esan du ez dela Palestinako Estaturik egongo, eta Palestina onartzen duten herrialdeak mehatxatu ditu
Benjamin Netanyahu Israelgo lehen ministroaren esanetan, ez da Palestinako Estaturik egongo, eta Erresuma Batuak, Kanadak, Australiak eta Portugalek iragarpena egin ondoren, Palestina onartzen duten herrialdeak mehatxatu ditu .
Erresuma Batuak, Kanadak, Australiak eta Portugalek Palestinako Estatua onartu dute
Bien bitartean, Benyamin Netanyahuk esan du ez dela Palestinako Estaturik egongo, eta mehatxatu egin ditu herrialdeak. Horrenbestez, NBEko 150 herrialdek onartzen dute jada Palestina ofizialki, Europar Batasuneko 14 tartean.
Palestinako Estatuaren onarpena giltzarri izango da ordu gutxi barru hasiko den NBEren 80. Batzar Nagusian
Erresuma Batuak, Kanadak, Australiak eta Portugalek igande honetan aitortu dute ofizialki Palestinako Estatua, goi-bileraren bezperan. Benjamin Netanyahu Israelgo lehen ministroak esan du ez dela inolaz ere Palestinako Estaturik egongo, eta Bezalel Smotrich zein Itamar Ben Gvir Israelgo ministroek Zisjordania anexionatzea proposatu dute, Palestinako Estatua aitortzeko erabakiei erantzuteko.
Ustelkeriak haserrea piztu du Filipinetan, eta protesta jendetsuak eta liskarrak izan dira
Protestek kaleak hartu dituzte Manila hiriburuan eta beste hiri batzuetan, herrialdean dagoen ustelkeria politikoa salatzeko. 'Bilioi bat pesoren martxa' deiturikoak erakunde erlijioso eta zibilak batu ditu, diru publikoa “lapurtu” izana salatzeko. Protesta gehienak baketsuak izan dira, baina zaurituak eta atxilotuak izan dira poliziaren kontrako istiluetan.
Honela ikusten dira Gazako bonbardaketak gauean
Israelek Gaza hiriaren aurkako erasoaldi militarrarekin jarraitzen du. Bonbardaketak ez dira eten. Leherketak oso urrunetik ikusten dira, gauez bereziki.
Errusiak "perbertsiorik gabeko" Eurovisionen jaialdi alternatiboa egin du
Errusiak "perbertsiorik gabeko" Eurovisionen jaialdi alternatiboa egin du. Errusiarekin ideologikoki bat egiten duten herrialdeek parte hartu dute Intervision musika jaialdian, 2022an Eurovisionetik kanporatua izan ondoren, “LGTBI eduki potentzial” guztietatik at. Vladimir Putin Errusiako presidenteak kultur nortasuna aldarrikatu du aurkezpen bideo batean. 11.000 ikusle baino gehiagoren aurrean, Duc Phuc vietnamdarrak irabazi du ekitaldia, Kirgizistan eta Qatar sailkatu dira ondoren.
Charlie Kirken hiletak tentsioa eta muturreko segurtasun neurriak eragingo ditu Glendalen
Donald Trump presidenteak berak hitz egingo du arratsaldeko ekitaldian, eta beste agintari garrantzitsu batzuk ere izango dira bertan.
Gutxienez 71 pertsona hil dituzte larunbat honetan Gazako Zerrendan
Israelek Gaza hirian lurreko erasoaldia hasi zuenetik izan den egunik gogorrenetako bat izan da gaurkoa. "Gerra hasi zenetik bizi izan ditugun unerik zailenetakoak bizitzen ari gara", ohartarazi dute Bautista Al Ahli ospitaletik.
Hamasek bahituen "agur-irudia" argitaratu du Israelen erasoaldiaren ostean
Hamas talde palestinarrak Gazan geratzen diren bahituen irudia zabaldu du, Israelgo Armadak Palestinako enklabean egindako erasoaldiaren ostean "agur esateko irudia" dela esanez. Horretan, 46 bahitu agertzen dira: 43 israeldar, 2 estatubatuar eta nepaldar bat.