Venezuelak errefusatu egin du Brasilek eta Kolonbiak hauteskundeak errepikatzeko egindako proposamena
Nicolas Maduro Venezuelako presidenteak, Brasilgo eta Kolonbiako buruzagiek egindako proposamenari erantzunez, Hegoamerikako herrialdearen "subiranotasuna" defendatu du, baita uztailaren 28ko hauteskundeen ostean sortutako edozein eztabaida konpontzeko erakundeek duten gaitasuna ere.
"Venezuelan dauden edozein ezaugarritako gatazkak venezuelarren, erakundeen, legearen eta Konstituzioaren artean konpontzen dira", esan du Madurok.
Maria Corina Machado Venezuelako oposizioko buruak ere errefusatu egin du Luiz Inacio Lula da Silva Brasilgo presidenteak eta Gustavo Petro Kolonbiako presidenteak Venezuelako hauteskundeak errepikatzeko edo koalizio gobernua osatzeko egindako proposamena. Nicolas Maduro hauteskundeetako irabazle izendatu ostean oposizioak iruzurra salatu eta gero etorri da proposamena.
"Bigarren aukera bat egingo da, eta emaitzak gustuko ez badira, zer egingo dugu, hirugarren bat? Eta laugarren bat? Eta bosgarren bat Madurori emaitzak gustatu arte? Onartuko al zenukete hori zuen herrialdeetan? Emaitza ona ez bada, errepikatu egiten dira?", esan du elkarrizketa batean. Elkarrizketa horren laburpena X. sare sozialeko profilaren bidez partekatu du.
"Hauteskundeak izan ziren eta Venezuelako gizartea oso baldintza txarretan mintzatu zen, iruzurra egon zen eta, hala ere, irabaztea lortu genuen", adierazi du Machadok.
Brasilgo Gobernuak, Kolonbiakoak eta Mexikokoak krisiari irtenbidea bilatzeko lanean ari dira, besteak beste Ameriketako Estatu Batuen babesa duen bitartekaritzarekin.
Zure interesekoa izan daiteke
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.
NATOk Trumpi erantzun dio aliatuek laguntza eskaini diotela Ormuzerako
AEBko presidenteak ohartarazi zuen Aliantzak “oso etorkizun makurra” izango duela aliatuek itsasartea desblokeatzen laguntzen ez badute. Erresuma Batuak adierazi du “plan kolektibo bat” lantzen ari dela eremurako, eta EBk Atzerri ministroak bildu ditu auzia aztertzeko.