Macronek uko egin dio lehen ministro ezkertiarra izendatzeari, eta beste kontsulta sorta bati ekingo dio
Frantziako hurrengo lehen ministroa aukeratzeko elkarrizketak Emmanuel Macron Frantziako presidentearen ezezkoarekin amaitu dira, Fronte Popular Berriko hautagaitzak ezekoa jaso baitu. Makronistek aukera baztertu dute, nahiz eta Frantzia Intsumisoko ministrorik ez izan bertan; diputatu gehien lortu zituen indarra izan arren, uste du ez litzatekeela beste talde batzuen zentsura-mozioetatik onik aterako.
Gauzak horrela, Macronek kontsulta sorta berri bati ekingo dio alderdiekin.
Frantziako ezkerrak, bere aldetik, Lucie Castetsen hautagaitza berretsi du, hauteskuneetako emaitzak errespetatze aldera. Halaber, Fronte Popular Berriak (NFP) iragarri du ez dela Eliseora itzuliko Macron presidentearekin elkarrizketa gehiago izateko, "elkarbizitzeko moduak" eztabaidatzeko ez bada. Horrek, ordea, hurrengo lehen ministroa estatuburuaren alderdikoa ez izatea ekarriko luke.
Macronismoak, aldiz, Fronte Popular Berriaren koalizioari uko egingo diola adierazi du, nahiz eta Frantzia Intsumisoko (LFI) ministrorik ez izan koalizioan, Jean-Luc Mélenchonek eskaini duen bezala; izan ere, hura zen marra gorria orain arte.
Gabriel Attal jarduneko lehen ministroaren aburuz, Frantzia Intsumisoko buruzagirik ez duen gobernu-proposamen batek Mélenchonen "indar-kolpe" bat ezkutatzen duen "irekiera-simulakro" bat besterik ez da. Eta, gaineratu du, Fronte Popular Berria behin Gobernuan egonda, Frantzia Intsumisoaren "erreplika" den hauteskunde-programa aplikatuko lukeela, zeinak "Frantzia belauniko jarriko lukeen".
Era berean, ezkerreko eta eskuineko alderdi "errepublikanoen" arteko aliantza bilatzeko deia egin du Attalek, ultraeskuina kanpoan utziko lukeena, baina baita Frantzia Intsumisoa ere.
Gaur gaurkoz, ez dago argi noiz izendatuko den lehen ministro berria. Macronek ez du epe zehatzik ezarri, baina alderdi guztiek aste honetan aldaketak egotea aurreikusten dute.
Albiste gehiago mundua
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.