Israelek sei pertsona hil ditu Zisjordania okupatuan eta milizia palestinarrek oldarraldia salatu dute
Hamas Erresistentzia Mugimendu Islamikoak eta Jihad Islamiarrak Israelen oldarraldia salatu dute Zisjordania okupatuan. Izan ere, Israelgo Armadak bost pertsona hil ditu aire bidez egindako erasoetan, eta kolonoek beste pertsona bat erail dute.
Palestinako Osasun Ministerioak jakinarazi duenez, Israelek Tulkaremgo (Zisjordania iparraldea) Nur Shams errefuxiatuen eremuan jaurtitako drone batek bost pertsona hil ditu. Hildakoen artean bi adingabe daudela ere zehaztu dute iturriok.
Horrez gain, 40 urteko palestinar bat zendu da Wadi Rahalen, Betleem hiriko hegoaldean (lurraldearen erdialdea), kolono israeldarrak herrixkan sartu eta bertakoen kontra tiroka hasi baitira. Hiru pertsona gehiago zauritu dira, gainera.
"Pertsona bat hil da eta beste hiru zauritu dira kolonoen tiroengatik", adierazi dute Osasun Ministerioak bidalitako oharrean.
Wafa albiste agentzia palestinarraren arabera, Israelgo soldaduek kolonoak babestu eta granadak eta gas negar-eragileak bota dituzte herritarren kontra.
Bigarren Intifadatik (2000-2005), indarkeria olderik bortitzena pairatzen ari da Zisjordania okupatua, eta urriaren 7tik, 641 pertsona, tartean 149 adingabe, hil ditu Israelek Palestinako lurralde horretan. Kolono israeldarrek 10 bat pertsona hil dituzte.
"Zisjordaniaren kontrako erasoek gure indar eta irmotasuna handituko dute, ez dute gure erresistentzia geldiaraziko eta haserrea piztuko dute lurralde osoan. Deia egiten diegu herritarrei jarrai dezatela kolonoei eta okupazioari aurre egiten", adierazi du Hamasek, ohar bidez.
Jihad Islamiarraren arabera, Israelgo Armada eta kolonoak Zisjordaniaren kontra egiten ari diren "oldarraldiak agerian utzi du etsaiak Gazako erasoak Zisjordaniara eraman nahi dituela orain".
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.