Hamasek dio erreskatatutako sei bahituak Israelen bonbardaketen ondorioz hil zirela
Hamas erresistentzia palestinarraren taldeak Israeli eta bere kide eta arma hornitzaile nagusi den AEBri egotzi die urriaren 7ko erasoaz geroztik Gazako Zerrendan gatibu zituen sei bahituen heriotza.
"Erresistentziak atxikitako pertsonen heriotzaren erantzukizuna okupazioari dagokio, tematuta baitago gerra genozidarekin jarraitzearekin eta su-etena lortzeko akordio bat saihestearekin, eta badagokio AEBko administrazioari ere, partzialtasunagatik, laguntzagatik eta konplizitateagatik", adierazi du Izzat al Rishq Hamaseko buro politikoko kideak.
"Gure herria egunero hiltzen duena okupazioa da, arma estatubatuarrekin, eta Gazako Zerrendan presoen gorpuak aurkitzeak erakusten du bonbardaketa sionisten ondorioz hil zirela", azpimarratu du ohar batean.
Israelgo Armadak igande honetan baieztatu duenez, sei bahituren gorpuak berreskuratu dituzte Rafahko eremuan, Gaza hegoaldeko muturrean, Israelgo lurreko tropek maiatzean eraso zuten lekuan.
Daniel Hagari Armadako bozeramaileak igande goizean esan duenez, hasierako ikerketa baten arabera, Israelgo indarrak tokira heldu baino lehen hil zituen Hamasek sei bahituak, baina ez du xehetasun gehiagorik eman.
Haaretz egunkari israeldarraren arabera, autopsiek erakusten dute "denek buruan tiroak jaso zituztela, eta ez dago zalantzarik tiroen ondorioz hil zirela", baina ez du iturria aipatu.
Bahituen senideak haserre bizian jarri dira igandean haien senideen heriotzaren berri izan dutenean, eta ziurtatu dute Benjamin Netanyahu Israelgo lehen ministroak Hamasekin su-etena sinatu izan balu, bizirik jarraituko luketela.
"Bahituak hiltzen dituztenek ez dute akordiorik nahi", erantzun du Netanyahuk, grabatutako mezu batean. "Guk, berriz, ez dugu amore ematen. Israelgo Gobernuak konpromisoa hartu du, eta nik neuk ere bai, bahitutako guztiak itzuliko dituen eta gure segurtasuna eta existentzia bermatuko duen akordio baten alde borrokatzen jarraitzeko".
Gazan geratzen diren 97 bahituak askatzea ahalbidetuko duen su-eten baten negoziazioak (horietatik hogeita hamar bat hilik daude) etenda daude, maiatzean AEBk luzatu zuen su-eten proposamenari eskari berriak gehitzeko salaketa gurutzatuak direla eta.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.