Gutxienez lau hildako eta bederatzi zauritu AEBko institutu batean izandako tiroketa batean
Gutxienez lau pertsona tiroz hil eta beste bederatzi zauritu dituzte Amerikako Estatu Batuetako Georgia estatuko institutu batean. Winder hiriko Apalache Institutuan izan da tiroketa, eta hango Poliziak 14 urteko mutil bat atxilotu du, tiroketaren egilea delakoan. Erasoa izan den ikastetxeko ikaslea da. Agintariek, jada, esan dute hilketa delitua leporatuko diotela eta adin nagusikoa balitz bezala epaituko dutela.
Hedabideen aurrean egindako agerraldi batean, Chris Hosey Georgiako Ikerketarako Bulegoko zuzendariak jakinarazi du "fusil erdiautomatiko" bat erabili duela erasotzaileak. Orain arte "bildutako proben arabera", erantsi du, "ez dirudi erasoan beste inoren laguntza izan duenik eta beste eskolaren bat arriskuan dagoenik".
Bi irakasle eta bi ikasle dira hildakoak. Azken horiek, 14 urtekoak. Zaurituak, berriz, inguruko erietxeetara eraman dituzte, eta arriskutik kanpo daudela jakinarazi dute osasun-arduradunek.
Joe Biden AEBko presidenteak doluminak eman dizkie biktimen familiei, eta atsekabea adierazi du beste indarkeria kasu batengatik. "Ezin dugu hori normaltzat hartzen jarraitu", adierazi du.
Bidenek gogora ekarri ditu "indarkeria armatuaren izurrite" horrekin amaitzeko abiatutako lege proposamenak, eta dei egin die errepublikanoei. "Eraso-armak eta edukiera handiko kargatzaileak debekatu behar ditugu, su-armak segurtasunez gordetzeko eskatu behar dugu, aurrekarien kontrolak aldarrikatu behar ditugu eta armagileen immunitatearrekin amaitu behar dugu", nabarmendu du.
Halaber, ikertzaileek jakinarazi dute tiroketa dela eta atxilotutako gaztea eta haren aita orain urtebete inguru galdekatu zituztela, sare-sozialetan zabaldutako hainbat mehatxu-mezu zirela eta. Biek ukatu egin omen zuten mezuon egileak zirenik.
Antza, atxilotzeko edo neurri zehatzen bat hartzeko "arrazoi nahikorik" ez zuten ikusi orduan poliziek, baina eskualdeko eskoletara abisua igorri omen zuten, "gazteari jarraipen berezia" egiteko.
Albiste gehiago mundua
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.
Leon XVI .a aita santuak deia egin die gazteei "gauza handiak lortzea " helburu izateko eta kontsumismoa baztertzeko
Erroman eginako Gazteen Jubileua ixteko, aita santuak elkartasuna adierazi die Gazan eta Ukrainan gerra pairatzen ari diren gazteei.
Gizon bat espetxeratu dute Frantzian, emaztea mozkortzea egotzita, beste gizon batzuekin sexu-harremanak izatera behartzeko
62 urteko gizonezkoari emaztearen baimenik gabe topaketak antolatzea leporatzen diote, Gisele Pelicoten kasuaren eskandalua gogorarazten duen kasu batean.