Israelek etxebizitzak bonbardatu ditu Beiruten, Netanyahuk NBEn egindako hitzaldia amaitu eta gutxira
Israelgo Armadak azaldu duenez, Hezbollah talde xiitaren "kuartel nagusiak" helburu zituen beste eraso bat egin dute Beiruten, baina bulego horiek "etxebizitza eraikinen azpian" daudela erantsi du. Bonbardaketaren ondorioz, gutxienez bi pertsona hil eta 76 zauritu dira.
Benjamin Netanyahu Israelgo lehen ministroak NBEren Batzar Nagusian hitzaldia amaitu eta gutxira gertatu da erasoa.
Bonbardaketak Dahieh ingurua astindu du, Libanoko hiriburuko hegoaldeko auzo bat. Libanoko hedabideek aipatutako lekukoek adierazi dutenez, azken egunotan Israelek Beiruten kontra egindako erasorik bortitzena izan da, eta hainbat eraikin suntsitu dituztela baieztatu dute.
Daniel Hagari Armadako bozeramaileak "Hezbollahren izuaren epizentroa" bonbardatu izana justifikatu du. Erakunde horri herritar libanoarrak "giza ezkutu" gisa erabiltzea leporatu dio, "kuartelak etxebizitzen azpian nahita eraikitzeagatik".
"Munduko edozein estatu subiranok mugaren beste aldean haren suntsipena bilatzen duen erakunde terrorista bat balu egingo lukeena egiten ari da Israel", esan du bideo batean, Hezbollahk duela ia urtebetetik egindako erasoak gogora ekarriz.
Erasoaren helburua Hassan Nasrallah milizia xiitaren buruzagia zen, segurtasun iturriek Israelgo prentsari baieztatu diotenez. Hala ere, Armadak ezin izan du baieztatu erasoa izan denean bertan zegoen ala ez. Esan bezala, leherketak eraikinak suntsitu ditu, eta ke eta hauts zutabe erraldoia eragin du Libanoko hiriburuan.
Leherketa bortitzek hiriburu osoan eta inguruko herrietan izan dute oihartzuna, eta aurreko bonbardaketetan ez bezala, ke zutabeak oso urrunetik ikusi ahal izan dira.
Israelko Armadak 2023ko urriaren 8tik eremu horren aurka egin duen seigarren erasoa da, laugarrena astebetean.
Ostiralean, 50 pertsona baino gehiago hil zituzten Israelen bonbardaketa batean. Eraso horren ondorioz, bi eraikin behera etorri ziren. Hurrengo egunetan, gainera, ustez Hezbollahko goi-kargudunen aurkako hiru ekintza egin zituzten; horietako batek huts egin zuen.
Zure interesekoa izan daiteke
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.
Ukrainak kontraerasoa egin du Pokrovsken, eta tropen inguraketari buruzko informazioa gezurtatu du
Hainbat helikopterotan sartu dira errusiarrek harrapatutzat eman dituzten Pokrovskeko guneetan.
550.000 siriar itzuli dira Turkiatik beren herrialdera, Al-Assad erori zenetik
"2024ko abenduaren 8az geroztik, 550.000 siriar bueltatu dira, beren borondatez, segurtasun osoz eta ohorea galdu gabe", argitaratu du Yerlikaya ministroak X. sare sozialean.
Hildakoen kopuruak gora egiten jarraitzen du Gazako Zerrendan, su-etena gorabehera
Israelgo armadaren erasoek bost gazatar hil eta bederatzi zauritu dituzte, ostegunetik. Bien bitartean, Palestinaren gorpuen identifikazioa blokeatzen jarraitzen du Israelek, bake akordioan hitzartutakoan betetzea eragotziz.
Bi pertsona gehiago sartu dituzte behin-behinean kartzelan, Louvreko lapurretarekin lotura dutelakoan
Parisko Fiskaltzak ohar baten bidez adierazi duenez, "ikerketa ez da oraindik amaitu", eta atxilotutako bi lagun horiek badaezpadako kartzelaldian daude.
Fronte Polisarioak errefusatu egin du NBEren ebazpena, eta "autodeterminazio eskubidea" aldarrikatu du baldintza "negoziaezin" gisa
Mendebaldeko Sahararen nazio askapenerako mugimenduak salatu duenez, "Marokoren okupazioa legitimatu egiten du" autonomia proposamenak.
Mohamed VI .ak dio Marokok "kapitulu berri bat" ireki duela Mendebaldeko Sahararako bere planak NBEren babesa jaso ondoren
Marokoko erregeak Tindufen errefuxiatuta dauden sahararrei dei egin die "aukera historiko hau" aprobetxa dezaten "familiekin biltzeko", eta Aljeriako presidenteari "elkarrizketa zintzoa eta anaiartekoa" egiteko eskatu dio.
Saharar autonomiarako Marokoren plana hartu du oinarri Segurtasun Kontseiluak, eta beste urtebetez luzatu du bere misioa
Marokoren plana "irtenbide justu eta iraunkor bakarra" dela uste du AEBko proposamenak, eta aurrera atera da, Aljeria, Txina eta Errusiaren abstentzioarekin.
Munduko kaleak izaki beldurgarrienez bete dira
Gaur gauean, iluntasunak hartuko ditu munduko kaleak. Dagoeneko izaki beldurgarriak dabiltza han eta hemen, itzal eta argi artean. Gurean, Gau Beltza; munduan, Halloween. Urriaren 31n, milaka lagun mozorrotuta aterako dira kalera, beldurraren eta dibertimenduaren artean dantza egitera. Uztaren amaieraren ospakizuna urruti dago askorentzat, baina gauak berak emango du uzta emankorra gaurkoan: irria, oihuak eta misterio apur bat.
'Melissa' urakanak 50 hildako baino gehiago utzi ditu jada Karibeko hainbat herrialdetan
Erreskate taldeek lanean jarraitzen dute zikloiak gehien kaltetutako eremuetan, hala nola Haitin, Panaman, Dominikar Errepublikan eta Kuban. Lehorretik iristea bereziki zaila izaten ari da gehien kaltetutako landa eta kostalde eremuetan.