Israelek beste ospitale eta eskola bati eraso die Gazan, eta gutxienez 18 pertsona hil ditu
Gutxienez 15 palestinar hil ditu gaur Israelek Gaza iparraldeko Yabalia errefuxiatu-eremuko Al Yamin Al Sayed ospitalearen aurka egindako bonbardaketa batean, Gazatarren Defentsa Zibilaren arabera.
Yabaliako Al Awda ospitaleak 18 zauritu artatu ditu bonbardaketa horren ondorioz, Mohamed Salha jarduneko zuzendariak jakinarazi duenez.
Israelen erasoaldiek Gaza iparraldeko lau ospitale nagusien inguruetan jarraitu dute. Gaur goizean 300 ospitaleratu baino gehiago zeuden Al Yamin Al Sayeden, horietako 80 zainketa intentsiboetan.
"Zaurituak 80 baino gehiago izan daitezke", gaineratu du Salhak. Tokiko kanal palestinarretan zabaldutako bideoek errefuxiatu-eremua suntsituta eta kiskalita dagoela erakusten dute. Gazatarren Defentsa Zibilak jakinarazi duenez, zauritu gehienak Kamal Adwan ospitalera eraman dituzte.
Erasoa gertatu eta gutxira, larrialdi zerbitzuek bost gorpu berreskuratu dituzte Yabalian, hegazkinek Bahader izeneko familia baten etxebizitzaren kontra egindako erasoan hildakoak.
Bestalde, Ilargi Gorriak jakinarazi duenez, hiru pertsona hil dituzte eta 25 zauritu, haurrak barne, Yabalia al Balad inguruan zegoen eskola baten aurkako erasoan. Bost egunean Israelgo Armadak 125 pertsona inguru hil ditu Yabalian, Gazako Gobernuak gaur adierazi duenez.
Israelgo frankotiratzaile batek kazetari bat hil du
Yabalian ere, soldadu israeldar batek Mohamed al Tanani kazetari palestinarra tirokatu eta hil du. Al Tananik Al Aqsa kanalean lan egiten zuen, eta beste kazetari batzuekin zegoela , Yabaliako Abu Sharj bidegurutzean, frankotiratzaile israeldar batek tiro egin dio, Palestinako komunikabideek jakitera eman dutenez.
Era berean, drone batek Tamer Labad eta Fadi al Wheidi kazetariak, azkena Al Jazeera kateko langilea, zauritu egin ditu, eta ospitalera eraman dituzte biak. Kazetari horiek guztiak Yabaliako errefuxiatu-eremuan zeuden lanean.
"Gazako Zerrendan genozidio-gerra hasi zenetik 176 informatzaile hil dira", azaldu du Zerrendako Gobernuak, ohar batean.
New Yorken egoitza duen Kazetariak Babesteko Batzordearen (CPJ, ingelesezko sigletan) arabera, iazko urriaren 7tik komunikabideetako 128 langile hil dituzte eta 69 espetxeratu. Israelek Gazan egindako erasoaldiak "KBBk dokumentatutako beste edozein gatazkak baino kazetari gehiago hil ditu urtebetean", salatu dute webgunean.
Halaber, Palestinako errefuxiatuentzako NBEren Agentziak (UNRWA), erasoen ostean, zazpi eskola hustu behar izan dituztela iragarri du. Eskola horiek Zerrendako iparraldeko hainbat gunetatik ihes egindako pertsonak babesten zituzten. UNRWAk, era berean, salatu du Israelen erasoaldi berriak "bizitzak salbatzen dituzten zerbitzuak" bertan behera uztera behartu duela. Gainera, erasoen ondorioz, Yabaliako errefuxiatu-eremuko zortzi ur-putzuetatik bi baino ez daude erabilgarri. 200.000 gazatar inguruk jarraitzen dute eremu horretan.
Bestalde, Israelgo Armadak (FDI) bost palestinar hil ditu Nablusen, Zisjordania iparraldean. FDIek ziurtatu dute "terroristak" zirela.
Aurretik, Armadak palestinar bat hil du Aqaba hirian, Tubas iparraldean, bere etxebizitza inguratu ostean. Israelgo segurtasun indarrek eta kolonoek 750 palestinar inguru hil dituzte eta 6.250 baino gehiago zauritu Zisjordanian eta Jerusalem ekialdean, iazko urriaren 7tik.
Zure interesekoa izan daiteke
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.