Amets Georgiarrak irabazi ditu hauteskundean Georgian, iruzur salaketak gorabehera
Georgiako Hauteskunde Batzordeak baieztatu egin du Bidizna Ivanishvili milioidunaren Amets Georgiarrak gehiengo osoa lortu duela asteburuan egin diren hauteskundeetan. Oposizioak, berriz, iruzur argia izan dela salatu du.
Botoen % 99,6 zenbatuta, Amets Georgiarrak botoen % 54,09 eskuratu ditu, eta oposizio europazaleak % 40 eskas.
Aldaketaren Aldeko Koalizioak, Ahali, Girchi-Askatasun Gehiago eta Droa barne hartzen dituenak, botoen % 11,2 lortu ditu; Georgia Salbatzeko Batasunak, Mugimendu Nazional Batua buru duenak, % 9,8; Georgia Indartsuak, % 9,2; eta Georgiaren Aldek, % 8,2. Parte-hartzea % 58,9koa izan da.
Hauteskundeen emaitzak aurrez aurre jartzen ditu Irakli Kobakhidze lehen ministro eta Amets Georgiarraren ordezkari nagusietako bat eta Salome Zourabichvili presidente eta Bruselaren aliatua.
Lehenengoak Amets Georgiarraren garaipena aldarrikatu du emaitzak jakin aurretik, eta bigarrenak oposizioa jo du garaile atariko emaitzak besterik ez direnean argitaratu.
"Ez ditugu emaitza hauek onartuko", adierazi du Tina Bokuchava Mugimendu Nazional Batuaren buruak, eta nazioarteko ikuskari independente batzuk oposizioaren garaipenaz ziur daudela esan du. "Hauteskunde Batzordeak Ivanishvilik nahi zuena egin du. Sekula ez bezala lan egingo dugu etorkizun europarra bueltan dela ziurtatzeko", gaineratu du.
Amets Georgiarra 2012an Bidzina Ivanishvilik sortutako zentro-ezkerreko koalizioa da. Urte hartan bertan, Parlamenturako hauteskundeetan Mugimendu Nazional Batua Gobernutik kentzea lortu zuen, eta Gobernua zuzentzera heldu zen, baina, urtebete pasatxo geroago, kargua utzi zuen eta Irakli Garibashvili izendatu zuen bere oinordeko. Ordutik, Ivanishvili itzalean da lider.
Oposizioak eta Mendebaldeak gogor kritikatu dute Amets Georgiarra, Kremlinarekiko gertutasuna erakusteagatik, Ukrainako gerraren harira Errusiari zigorrak jartzearen aurka agertzeagatik, Georgia eta Errusiaren arteko hegaldiak ezartzeagatik eta Errusian dauden arauen antzeko hainbat lege errepresibo onartzeagatik.
Hauteskundeetan, nazioarteko 76 erakundetako 1.700 behatzaile atzerritar baino gehiago eta Georgiako 111 erakundetako 23.000 behatzaile baino gehiago izan dira, eta "lasaitasun erlatiboa" izan da nagusi, nahiz eta istiluren bat edo beste izan den.
Albiste gehiago mundua
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Bilera erabakigarria gaur Etxe Zurian Ukrainaren etorkizunerako
Zelenski, Europako eta NATOko buruzagiekin batera, Trumpekin bilduko da. AEBko presidenteak esan du gerra "ia berehala" amaitu daitekeela Ukrainak Krimeari eta NATOri uko egiten badie.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.
Ukrainako bakea, fase erabakigarrian: Trump Zelenskirekin bilduko da Putinekin egon ostean
Financial Times hedabide britainiarrak jakinarazi duenez, Errusiaren eskakizunek baldintzatuko dute batzarra: Donetsk eta Luhansk, bake akordioa bermatzeko. Gainera, Ukrainako presidentea ez da bakarrik egongo Etxe Zurian, Von der Leyenekin eta beste buruzagi europar batzuekin batera bertaratuko baita.
Bolivian hauteskunde historikoak dituzte gaur: ia 20 urte geroago baliteke eskuinak agintea eskuratzea
Batasun Aliantzako Samuel Doria Medina enpresaria da inkesten buru, eta oso gertu du Aliantza Libreko Jorge Tuto Quiroga oposizioko kide eta presidente ohia (2001-2002).