Puerto Ricoren aurkako irainek zaildu egingo diote Trumpi estatu giltzarrietako lehia
Donald Trump Alderdi Errepublikanoaren hautagaiak igandean egindako mitin batean Puerto Rico uhartearen aurka egindako irainek zaildu egingo diote AEBko presidente ohiari estatu giltzarrietako lehia, bozkatzeko eskubidea duten milioi bat puertorricar bizi baitira estatu horietan.
Igandean Trumpek New Yorkeko Madison Square Garden pabilioian emandako ekitaldian, Tony Hinchcliffe umoristak 'txiste' arrazista egin zuen AEBrekin elkartuta dagoen estatu askearekin: "Literalki, zabor-uharte bat dugu ozeanoaren erdian, uste dut Puerto Rico duela izena". Hitzok haserrea piztu dute herrialdean, errepublikanoen artean ere bai.
"Boto baliotsuak galtzea ekarriko dio horrek Trumpi", azaldu du Raul Hinojosa Los Angelesko Unibertsitateko (UCLA) irakasleak, EFE agentziari egindako adierazpenetan.
Trumpen lantaldea adierazpen arrazista horietatik aldentzen saiatu zen atzo, baina presidente ohiak berak ez ditu gaitzetsi. Gainera, polemika hau gozokia izan da Kamala Harris hautagai demokratarentzat, eta uharteari laguntzeko plana aurkeztu zuen igandean bertan.
Kalte handiena Pennsylvanian jaso lezake Trumpek, bertan oso jendetsua eta aktiboa delako Puerto Ricoko komunitatea.
Hain zuzen ere, Puerto Ricotik etorritako 470.000 pertsona bizi dira Pennsylvanian; 132.000, Ipar Karolinan; eta 124.000, Georgian. Beste hainbat estatutan ere dozenaka mila bizi dira, hala nola Arizonan, Wisconsinen, Nevadan eta Michiganen.
Gainera, Alderdi Errepublikanoak zail izango du hitzon oihartzuna amatatzea, izen handiko hainbat artistak babesa agertu diotelako Harrisi, tartean Bad Bunny, Jennifer Lopez, Ricky Martin, Luis Fonsi eta Rene Perez (Residente).
Teorian garaipena ia bermatuta duen estatuetan ere nabaritu lezake Trumpek txiste arrazistaren eragina. Horren ildotik, Floridan, Mesa Boricua mugimenduak ohartarazi du boto-eskubidea duten 800.000 puertorricar bizi direla bertan.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.