Celeste Caeiro hil da, Portugalgo iraultzari krabelinekin izena eman zion emakumea
Celeste Caeiro, bere krabelinekin Portugalgo iraultzari izena eman zion emakumea, gaur hil da, 91 urte zituela, haren bilobak sare sozialetan baieztatu duenez. Aurten, apirilaren 25ean, diktadurari amaiera eman zion Krabelinen Iraultzaren 50. urteurrena bete denean heldu haren heriotza.
Ama espainiarra zuen, eta Lisboako Sifire jatetxeko arropategian egiten zuen lan altxamendua gertatu zenean.
2014an egindako elkarrizketa batean azaldu zuenez, jatetxeko jabeek festa bat egin nahi izan zuten 1974ko apirilaren 25ean, establezimenduaren lehen urteurrena ospatzeko, eta loreak erosi zituzten.
Egun hartan, lanera iritsi zenean, atea itxita aurkitu zuen, eta nagusiak esan zien ez zutela irekiko iraultza bat gertatzen ari zelako, eta loreak eramateko, gal ez zitezen.
Bere buruzagien aholkuen aurka, Caeirok etxera zuzenean ez joatea eta zer gertatzen zen jakitea erabaki zuen, aurretik krabelin gorri eta zuri batzuk besapean hartuta.
Metroz joan zen Lisboako Rossio plazara, Largo do Carmoren hasieran, non faxisten tankeak agindu berrien zain zeuden goizaldetik, tentsioz beteriko itxaronaldi batean.
"Haiei begiratu eta soldadu bati esan nion: Zer da hau? Zertan ari zarete hemen? 'Carmoko kuartelera goaz, han baitago Marcello Caetano presidentea' (Salazarren erregimenaren oinordekoa)", erantzun zioten, Caeirok egindako kontakizunaren arabera.
Goizeko bederatziak inguru ziren, eta soldaduak, ordu batzuk guardian eman ondoren, zigarro bat eskatu zion emakumeari. Berak erretzen ez zuenez, baina militarrari lagundu ezinik gaizki sentitzen zenez, aldean zeraman krabelinetako bat eskaini zion.
"Krabelin bat hartu nuen, lehena gorria izan zen, eta berak onartu egin zuen. Hain txikia naizenez, eta bera tankearen gainean zegoenez, besoa luzatu behar izan zuen, krabelinari heldu eta fusilean jarri zuen", kontatu zuen.
Berehala, gainerako soldaduek laguna imitatu zuten, eta emakumeari krabelin gorri edo zuri horietako bat eskatu zioten, denak banatu arte.
Berak, Alderdi Komunistako militanteak, ez zuen espero keinu xume horrekin historia liburuetara pasatuko zenik; izan ere, gertakari hura jazo eta ordu batzuetara, lore-saltzaile guztiak inori krabelin bat ez faltatzeko lanean aritu ziren, lore hori askatasun ikur bihurtuta.
Caeiroren ekintzak iraultza bati eman zion izena, odolik isuri ez zelako gogoratzen dena.
Zure interesekoa izan daiteke
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen salerosketa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.
Nick Reiner atxilotu dute, Rob Reiner zinemagilearen eta Michele Singerren semea, gurasoen heriotzarekin lotura duelakoan
Senar-emazteak hilda agertu ziren igande honetan Brentwoodeko bien egoitzan, Los Angelesen, Estatu Batuetan.
Nazioarteko Zigor Auzitegiak Palestinako auzia ikertzen jarraituko du, Israelen helegitea baztertu baitu
Israelgo Gobernuak ikerketa bere gain hartu nahi zuen, eskumena zuela argudiatuta. Argudioa errotik ukatu du Zigor Auzitegiak, eta, hala, Fiskaltzak ikertzen jarraitu ahalko du.
EBk asumitu du Ukraina behartuko dutela NATOri uko egitera, eta haren segurtasuna babesteko konpromisoa hartu du
Europako iturriek azaldu dutenez, behin bake-akordioa lortuta, Ukrainaren etorkizuneko segurtasuna bermatzeko neurriak zehazteko lan “serioak” daude abian.
Adierazpen-askatasunak okerrera egin du munduan: % 10, 2012tik
Lehen Mundu Gerran edo Gerra Hotzaren unerik txarrenean izandako beherakadaren pareko da azken urteotakoa. 2022-2025 epean, 185 kazetarik galdu dute bizia, aurreko lau urteetan baino % 67 gehiago.
Kast, Txile demokratikoan boterera iritsi den lehen pinochetista
59 urteko Alderdi Errepublikanoaren burua datorren martxoaren 11tik aurrera delinkuentziaren eta migrazio irregularraren aurkako programa neoliberal bat ezartzeko prestatzen ari da, igandeko hauteskundeetan Jeannette Jara ezkertiarrari tarte handiz irabazi ondoren.