Israelek dozenaka palestinar hil ditu Gaza iparraldean egindako beste eraso batean
Dozenaka palestinar hil edo zauritu ditu Israelek gaur goizaldean Gaza iparraldeko Beit Lahia eremuko etxebizitza eraikin baten kontra airetik egindako erasoan. Lekualdatutako 70 pertsona inguru zeuden eraikinean erasoa gertatu denean, Wafa albiste-agentziak zabaldu duenez.
Lehen datuen arabera, Israelen gerra-hegazkinek egindako erasoaren ondorioz, eraikina eraitsi egin da, eta "zibil errugabeen biktima kopurua handia da: haurrak eta emakumeak daude tartean".
Oraindik ez dakite zein den biktimen kopuru zehatza; izan ere, erreskate-taldeak ezin dira iritsi erasoa gertatu den lekura, txikizioa oso handia delako eta aireko erasoak etengabeak direlako.
Urriaren hasieran ekin zioten Gaza iparraldean Israelgo tropek hirugarren erasoaldi gogorrari, etengabeko bonbardaketak eginez, "Hamas berriro osatzea galarazteko".
Ordutik, 2.000 palestinar inguru hil dituzte, eta hiru ospitale nagusietan (Kamal Adwan, Indonesio eta Al Awda) erasoak egin dituzte. Kalteak handiak dira.
Horrez gain, urritik aurrera Gaza iparraldean sartu den laguntza humanitarioa hutsaren hurrengoa da, eta gosetearen atarian daude, Nazio Batuen Erakundeak eta nazioarteko beste erakunde batzuek ohartarazi duten moduan.
2023ko urritik Israelek Gazan egin duen etengabeko erasoaldiak ia 44.000 hildako (% 70, emakumeak eta haurrak) eta 100.000 zauritu baino gehiago utzi ditu, baina balantzea okerragoa izan daiteke, biktima asko oraindik hondakinen artean daudela uste baitute.
145 aireko eraso Beiruten
Bien bitartean, Israelgo Armadak hiru eraikin eta ingurua jendez husteko agindua eman du Beiruten, eta Nasser Yassin Libanoko Ingurugiro ministroak jakinarazi du azken 24 orduetan 145 eraso jasan dituztela.
Atzo Libanoko Osasun Ministerioak zabaldu zuenez, 3.452 pertsona hil dira Libanon Israelen erasoen ondorioz.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".