Dominique Pelicot, azken deklarazioan: "Sekula ez nuen halakorik egin behar. Txakurren moduan hilko naiz"
"Sekula ez nuen halakorik egin behar. Txakurren moduan hilko naiz". Hitzok erabili ditu epaiketako bere azken deklarazioan Dominique Pelicotek, 10 urtean emaztea drogatu eta beste hainbat gizonekin batera etengabe sexu erasoak egitea egozten dioten gizonak.
Malko artean amaitu du Pelicotek bere azken deklarazioa Parisko Auzitegi Kriminalean. Gisèle Pelicot emazte ohiari eta Caroline Darian alabari zuzendu zaio, eta egindako min guztiaren aurrean barkamena eskatu die, nahiz eta onartu duen ez dela nahikoa izango. "Bera da nire barrenean gordetzen dudanaren parte", adierazi du Dominiquek, 50 urtean emaztea izan denari erreferentzia eginez.
Akusatuak esan du geratzen zaion "itxaropen bakarra" dela frogatzea alaba ez zuela drogatu ezta bortxatu ere egin, neskatoaren amari egin zion moduan. Darian alaba ziur dago bera ere drogatu zuela aitak, ondoren, gehiegikeriaz jokatzeko: Izan ere, Poliziak Pelicoti atzeman zizkion artxiboen artean alabaren argazki batzuk topatu zituzten, biluzik, eta, itxuraz, lo.
Epaiketa honetako akusatu nagusiak, Dominique Pelicotek, onartu du "sexu mendekotasuna" duela, eta gaineratu du bakarrik hilko dela, argudiatuz, bere abokatuaz gain, ez duela beste inork babesten. Era berean, adierazi du ez zela kontziente zenbaterainoko mina eragin zezakeen bere ekintzekin.
Pelicotentzat 20 urteko kartzela zigorra eskatzen dute, orduan emaztea zuena drogatu eta beste dozenaka gizonekin batera bortxatzeagatik. Erasook 2011 eta 2020 urte artean gertatu ziren. Dominique Pelicotekin batera, 50 auzipetu daude irailaren 2an hasi zen makroepaiketa honetan, eta orain azken txanpari ekingo dio.
Gisele Pelicotek, berriz, aurre egin zien atzo bere erasotzaileei azken deklarazioan, eta "koldarkeriaren epaiketa" dela esan zuen. Nabarmendu zuenez, "bada garaia bortxaketei garrantzia kentzen dien gizarte patriarkal honek begiak zabaldu eta begirada alda dezan". Kalkulatu du, ia 10 urteko epean, gizonak 200 bat sexu eraso egin zizkiola.
Albiste gehiago mundua
Erresuma Batuak nortasun agiri digitala sortu du legez kanpoko immigrazioa geldiarazteko asmoz
Gaur egun, herrialdeak ez du nortasun agiri nazionalik, eta herritarrak pasaportearekin, gidabaimenarekin edo bestelako egiaztagiriekin identifikatzen dira. Lan egiteko edo etxebizitza alokatzeko nahitaezkoa izango da erakustea, legez kanpoko immigrazioa eragozteko helburuarekin.
Netanyahuk esan du Israelek "lana amaitu" behar duela Gazako Zerrendan
Israelgo lehen ministroa hitz egiten hasi denean, aretoa ia hutsik geratu da. Netanyahuk azpimarratu du ez duela Palestinako Estatua onartuko: "Erokeria da, ez dugu egingo".
Washington hiriburuan heriotza-zigorra berrezartzeko agindu exekutiboa sinatu du Donald Trumpek
Donald Trump AEBko presidenteak Washington hiriburuan heriotza-zigorra berrezartzeko eskatu dio Pam Bondi fiskal nagusiari, "aplikatu beharreko faktoreak" betetzen dituzten kasu guztietan. AEBko hiriburua astintzen ari den ustezko "kontrolik gabeko krimena"ri aurre egiteko neurri bat dela adierazi du Trumpek.
'Furor' ontzia Cartagenatik abiatu da, Gazara doan ontzidiari laguntzeko asmoz
50 pertsona inguru doaz ontzian, eta, besteak beste, kanoi bat eta bi metrailadore daramatza. Aurreikuspenen arabera, lau egun beharko ditu Global Sumud Flotilla osatzen duten ontziengana iristeko.
Trump: "Ez dut onartuko Israelek Zisjordania anexionatzea. Nahikoa da"
Nazioarteko Justizia Auzitegiak ebatzi zuen Zisjordaniaren okupazioa legez kanpokoa dela. Datorren astelehenean Trumpek Netanyahu hartuko du Etxe Zurian.
Lointek Gernikako presidenteak adierazi du ez dutela Israelgo talde baten aurka jokatuko
Gerardo Candinak aurreratu duenez, Bizkaiko taldeak ez ditu Elitzur Ramlaren aurkako partidak jokatuko, Gernikako klubak "Gazako genozidio basatia" gaitzesten duelako, baina zuzendaritza batzordeak hurrengo egunetan baloratuko du behin betiko erabakia.
AEBko Justiziak "testigantza faltsua eta justizia oztopatzea" egotzi dio FBIko zuzendari ohiari, Trumpen presioen ostean
Ameriketako Estatu Batuetako Justiziak karguak aurkeztu ditu James Comey FBIko zuzendari ohiaren aurka, Russiagate auzia argitzeko prozesuan lekukotza faltsua ematea eta oztopoak jartzea egotzita.
Israel txapelketatik kanpo uztea aztertzen ari dira UEFA eta FIFA
Futbolaren erakundeek bozketa bat deitzea aztertzen ari dira, Gazako egoeragatik Nazio Batuek Israel baztertzeko eskatu ondoren.
Sarkozy: "Espetxean lo egin dezadala nahi badute, espetxean egingo dut lo, baina ez dut burua makurtuko"
2007ko hauteskunde-kanpaina Libiako Muamar Gadafi erregimenaren diruarekin finantzatzeagatik bost urteko kartzela-zigorra jaso ostean, Nicolas Sarkozyk adierazi du zigor horrekin "Frantziaren irudia" zikindu dela.
Abbasek Israelen "genozidioa" salatu du NBEn, baina esan du Hamasek ez duela Gazan lekurik izango
Palestinako presidenteak bideokonferentziaz hartu du parte batzarrean, AEBek New Yorkera joateko bisatua debekatu baitio. Hamasek dituen bahituak askatzea eta Gazara laguntza humanitarioa premiaz sartzea eskatu du, eta gatazka amaitu eta urtebetera hauteskundeak aurreikusten dituen plan bat bat aurkeztu du.