Trumpek iragarri du Kanadako, Mexikoko eta Txinako produktuei muga-zergak jarriko dizkiela
Kanpainan behin eta berriz atera zuen muga-zergen gaia Donald Trumpek AEBko presidente hautatuak, eta bozen osteko agerraldietan argi ari da uzten hori dela bere lehentasunetako bat. Atzo iragarri zuen Mexikoko, Kanadako eta Txinako produktuei muga-zergak ezarriko dizkiela, eta horretarako eman zuen arrazoia "legez kanpoko migrazioa" etetea eta "drogaren, eta, bereziki, fentaniloaren fluxua" geratzea izan ziren.
Thuth Social sare sozialean zabaldutako mezuan, Trumpek zehaztu zuen Mexikotik eta Kanadatik AEBra inportatutako produktuek % 25eko muga-zerga izango dutela, harik eta "paperik gabeko migratzaileen eta drogaren inbasioa" amaitu arte. Azaldu zuenez, bi herrialdeok badute ahalmena arazoa konpontzeko. "Duten boterea erabili eta arazoa konpontzeko eskatzen diegu. Bien bitartean, garesti ordaindu beharko dute!", esan zuen.
Halaber, AEBko presidente hautetsiak azaldu zuen "askotan" hitz egin duela Txinako agintariekin, bere hitzetan, Estatu Batuetara Txinatik iristen den "drogaren, eta bereziki, fentaniloaren" inguruan. "Baina alferrik da. Txinako agintariek hitz eman zidaten zigorrik handiena ezarriko zietela narkotrafikatzaileei, baina, tamalez, ez dute zin egindakoa bete. Inoizko droga kopuru handiena ari da gure herrialdera sartzen. Fluxu hori eten bitartean, % 10eko muga-zergak ezarriko ditugu", erantsi zuen. Zerga horiek lehendik daudenei gehituko zaizkie.
Berehala etorri da erantzuna. Txinak AEBn duen enbaxadak X sare sozialean idatzi du "inork" ez duela irabaziko gerra komertzial bat: "Txinaren eta AEBren arteko lankidetza ekonomikoak eta komertzialak bi herrialdeei egiten die mesede. Inok ez du muga-zergen gerra bat irabaziko".
Albiste gehiago mundua
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.
EBk bere jarrerari eutsi eta ez du genozidio hitza erabili, NBEren txostenak Gazakoa hala dela aitortu arren
Anouar El Anouni Europar Batasuneko Atzerri Gaietako bozeramailearen arabera, "genozidio ekintza bat izan dela esateko, ebazpen judizial bat" behar da, eta, beraz, epaitegiek erabaki beharko dute hori.