Israelek 59 lagun hil eta 273 zauritu ditu Gazako Zerrendan azken 24 orduetan
45.717 pertsona hil eta 108.856 zauritu ditu Israelek Gazako Zerrendan sarraskia hasi zuenetik, Hamasek kontrolpean duen Osasun Ministerioak jakinarazi duenez.
Palestinako agintariek, baina, berriro gogorarazi dute are handiagoa dela hildakoen kopurua, besteak beste, milaka lagun daudelako hondakinen artean desagertuta eta erreskatatu ezinik.
Azken 24 orduetan, gainera, egoera gordindu egin da, Israelek eragindako leherketen ondorioz, 59 pertsona hil eta 273 zauritu baitira, Osasun Ministerioak egunero egin ohi duen zenbaketaren arabera.
Ostegunean, erasoak gogortu eta areagotu zituen Israelgo Armadak, Gazako Zerrendako kantoi guztietara iritsita baina batez ere iparraldeari eraso eginda.
Gaurko honetan ere, iparraldea astindu dute bortizkien Benjamin Netanyahuren tropek. Han, 30 lagun hil dituzte gauerdian, Palestinako hainbat komunikabidek, osasun iturriak aipatuta, zabaldu dutenez.
Hotzak zazpi ume hil ditu
Tenperaturek nabarmen egin dute behera egunotan Gazako Zerrendan, eta horrek arrisku handiagoa ekarri du gazatarrentzat. Gutxienez, zazpi haur zendu dira, gehienak umetxoak. Horren aurrean, Nazio Batuen Erakundeak kanpin-dendatan bizi diren ehunka mila lagunen zaurgarritasunaz ohartarazi du.
Abenduaren erdialdean, laguntza humanitarioa kudeatzen duen talde batek jakinarazi zuen 945.000 pertsonak premiazko laguntza behar zutela negu gorriari aurre egiteko. Horregatik, arropa termikoa, mantak eta babeslekuak zigilatzeko materiala eskatu zituen, gazatar horien bizilekuak euritik eta hotzetik babeste aldera.
Gaza iparraldeko azken ospitaleak funtzionatzeari utzi dio
Gazako Zerrendako Gobernuko Osasun Ministerioak larunbat honetan iragarri duenez, Indonesiako Ospitaleak zerbitzua emateari utzi dio, Gaza iparraldean zeuden hiru ospitaleetatik aktibo zegoen azkena.
"Gaza iparraldeko Indonesiako Ospitalea zerbitzutik kanpo geratu da eta dagoeneko ez die inolako zerbitzurik ematen gaixoei edo zaurituei", jakinarazi du Ministerioak sare sozialetan zabaldutako ohar baten bidez.
Inguru horretan hiru ospitale publiko zeuden: Kamal Adwan Ospitalea, Beit Hanoun Ospitalea eta Indonesiako Ospitalea. Israelgo indar militarren aginduz zerbitzutik kanpo daude jada.
Ministerioak gogorarazi duenez, "osasunerako eskubidea lege eta konbentzio guztiek bermatzen duten eskubidea da", eta, horregatik, nazioarteari dei egin dio Israeli presioa egin diezaion milaka bizilaguni (adingabeak, haurdun dauden emakumeak, gaixoak eta zaurituak barne) arreta ematen zieten zerbitzu horiek berriro jar ditzaten abian.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".