Scholz aukeratu dute berriro Alderdi Sozialdemokratako hautagai, eskuin muturraren aurkako sermoia bota ostean
Olaf Scholz kantzilerra Alemaniako Alderdi Sozialdemokratako (SPD) hautagai aukeratu dute berriro otsailaren 23an egingo dituzten hauteskundeei begira. Alemaniarentzat Alternatiba (AfD) eskuin-muturreko alderdiaren eta bloke demokristauaren (CDU-CSU) —lehen eta bigarren indarrak, inkesten arabera— aurkako erretolika bota du Scholzek gaurko biltzarrean.
Guztira, 600 ordezkarik hartu dute parte sozialdemokraten biltzar horretan, Berlinen, eta gehiengo osoz aukeratu dute Scholz hautagai. Soilik bost ordezkarik bozkatu dute kontra.
Aurretik, esan bezala, agerraldia egin du Scholzek. Austrian bizi duten egoera ekarri du gogora, non eskuin-muturrari eskatu behar izan dioten herrialdea goberna dezala, gainerako alderdien negoziazioek huts egin dutelako.
"Mingarria da oso, ezin gara besoak gurutzaturik gelditu", esan du Scholzek, inkesten arabera faborito den Freidrich Merz demokristauak Alemaniari egindako promesa —AfD alderdiarekin batuko ez dela— ez betetzeak herrialdeari ekar diezaioken arriskuaz ohartarazita. Izan ere, badirudi ez duela gehiengo osorik lortuko.
"Zirikatzea eta banantzea da indar batzuen eredu politikoa", esan du AfDri zeharka aipamena eginez, eta nabarmendu du alemaniar gehienek jakin badakitela hori, eta horregatik egin ohi dutela indar demokratikoen alde.
Albiste gehiago mundua
Alemaniak iragarri du Israel helmuga duen arma esportazioen zati bat "oraingoz" etengo duela
Alemaniako Gobernu batean aurrekaririk gabeko erabakia da. Bestalde, Herbehereek hiru lizentzia atzera bota dituzte ontzi militarren piezak Israelera esportatzeko, eta Norvegiak esan du datorren astean aldaketak iragarriko dituztela Israelgo inbertsioetan.
Hamasek Israeli ohartarazi dio erasoaldia hedatzeak bahituak "sakrifikatzea" esan nahi duela
Israelgo kabineteak Gazako Zerrendan bere erasoaldi militarra zabaltzea erabaki ostean iritsi da talde islamistaren komunikatua. Hamasek ohartarazi duenez, "zibilen aurkako krimen basatiagatik duen erantzukizun legala saihesteko ahalegin zakarra da".
Mugarik Gabeko Medikuek eskatu dute Gazako Fundazio Humanitarioaren banaketa-guneak desegiteko: "Tranpa hilgarriak dira"
Mugarik Gabeko Medikuak (MSF) gobernuz kanpoko erakundearen txosten baten arabera, Gazarako Fundazio Humanitario estatubatuarraren elikagaiak banatzeko zentroak "hilketa orkestratuak eta deshumanizazioa" egiteko lekuak dira, eta horiek ixteko deia egin du. Israelek horren esku utzi zuen Gazan laguntza humanitarioa banatzeko ardura, hainbat hilabetez erabat blokeatuta egon ondoren.
Gaza inbaditzeko plana "berehala gelditzeko" eskatu du NBEk
Nazio Batuen Erakundeko Giza Eskubideetarako goi mandatariak salatu duenez, Netanyahuren erabakia Nazioarteko Justizia Gortearen irizpenaren kontrakoa da.
Gutxienez zazpi pertsona atxilotu dituzte Israelen, Gazako inbasioaren aurkako protestetan
Israelgo agintariek gutxienez zazpi pertsona atxilotu dituzte ostegun honetan Gazako Zerrendan inbasio militarraren aurka egindako manifestazioetan, eta zalditeria eta ur-kanoiak erabili dituzte protesta jendetsuak sakabanatzeko. Jerusalemen, bizirik atera direnen eta bahituta daudenen senideak izan dira protestetan, eta akordio bat eskatu dute horiek askatzeko eta Israelek Palestinako enklabearen kontra egindako erasoaldia amaitzeko, besteak beste.
Gaza Hiria okupatzeko Netanyahuren plan militarra onartu du Israelgo Gobernuak
Gainera, inbasioa amaitzeko bost printzipio proposatu ditu: besteak beste, zerrenda desmilitarizatzea eta "administrazio zibil alternatibo" baten gobernua ezartzea.
Corbieres mendiguneko sute handia kontrolpean dute, baina ez dute itzali
Asteartean piztu zen, eta pertsona bat hil du: sugarrek setiatuta bere etxea uzteari uko egin zion emakume bat. Sutea 1949. urtetik Frantzian izan den larriena da.
Hamas: "Netanyahu gerra kriminalak nahi duena genozidio estrategiarekin aurrera jarraitzea da"
"Netanyahuk erasoa zabaltzeko dituen asmoek, zalantzarik gabe, gatibuak gainetik kendu eta sakrifikatu nahi dituela berresten dute, bere interes pertsonalak eta muturreko agenda ideologikoa asetzeko", ohartarazi du erakunde palestinarrak.
Netanyahuk esan du ez dutela Gaza anexionatuko, baina lurralde palestinarraren erabateko kontrola bereganatuko dutela
Israelgo lehen ministroaren esanetan, "segurtasunagatik" egiten dute, eta "geroago" gobernua "indar arabiarren" esku utziko luketela.
Frantziako hegoaldean piztutako suteak jadanik "ez du aurrera egiten", baina oraindik ez dago kontrolpean
Corbieres mendigunean asteartean piztutako sutea 1949. urtetik Frantziako Estatuan izan den handiena da, 16.000 hektarea baino gehiago kiskali baititu. Christian Pouget Aude departamenduko prefetak ohartarazi du oraindik ikusteke dagoela hektarea horietatik zenbat diren nekazal lursailak. "Uste dugu 900 hektarea inguru direla", esan du, lehen estimazio batean.