Trumpek harrera batekin abiatuko ditu inbestidura ekitaldiak larunbatean, Washingtongo bere golf zelaian
Donald Trump Ameriketako Estatu Batuetako presidente hautetsiak harrera egingo du urtarrilaren 18an, Washington kanpoaldean duen golf zelaian. Horrela, bere inbestidurako ekitaldiei hasiera emango die. Golf zelaian su artifizialak botako dituzte, Trumpen lantaldeak gaur jakitera eman duenez.
Agendak urtarrilaren 19an jarraituko du, Arlingtongo Hilerri Nazionalera bisita eginez. Bertan, lore-koroa bat jarriko du Soldadu Ezezagunaren hilobian, eta, ondoren, hitzaldi bat emango du AEBko hiriburuko estadio batean, bere garaipena ospatzeko.
The New York Times egunkariaren arabera, Trumpek 170 milioi dolar baino gehiago bildu ditu inbestidura ekitaldietarako, besteak beste, Amazon eta Meta enpresa handien dohaintzek bultzatutako diru kopurua.
Urtarrilaren 20an, karguaz jabetzea
Karguaz jabetzeko ekitaldia urtarrilaren 20an izango da. Trumpek meza batekin hasiko du eguna, San Joan elizan, eta gero tea hartuko du Etxe Zurian, Joe Biden presidente ohiarekin.
Errepublikanoak, 2017 eta 2021 urteen artean Amerikako erraldoia gobernatu zuenak, eguerdian egingo du karguaren zina, Kapitolioko eskaileretan, eta, ondoren, lehen dekretuak sinatuko ditu eraikin berean.
Trumpek Kongresuan bazkalduko du, tropak ikuskatuko ditu eta Kapitoliotik Etxe Zurira egingo den ohiko desfilearen protagonista izango da, Pennsylvania etorbidean barrena.
Bulego Obalean dekretuak sinatzeko zeremonia bat izango da, eta, gauean, hiru inaugurazio-dantzaldi izango dira, presidenteak Melania Trump lehen dama berriarekin batera parte hartuko du.
Urtarrilaren 21ean, presidente berria Washingtongo Katedral Nazionalean egingo den mezan izango da.
Zure interesekoa izan daiteke
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.
Ukrainak kontraerasoa egin du Pokrovsken, eta tropen inguraketari buruzko informazioa gezurtatu du
Hainbat helikopterotan sartu dira errusiarrek harrapatutzat eman dituzten Pokrovskeko guneetan.
550.000 siriar itzuli dira Turkiatik beren herrialdera, Al-Assad erori zenetik
"2024ko abenduaren 8az geroztik, 550.000 siriar bueltatu dira, beren borondatez, segurtasun osoz eta ohorea galdu gabe", argitaratu du Yerlikaya ministroak X. sare sozialean.
Hildakoen kopuruak gora egiten jarraitzen du Gazako Zerrendan, su-etena gorabehera
Israelgo armadaren erasoek bost gazatar hil eta bederatzi zauritu dituzte, ostegunetik. Bien bitartean, Palestinaren gorpuen identifikazioa blokeatzen jarraitzen du Israelek, bake akordioan hitzartutakoan betetzea eragotziz.
Bi pertsona gehiago sartu dituzte behin-behinean kartzelan, Louvreko lapurretarekin lotura dutelakoan
Parisko Fiskaltzak ohar baten bidez adierazi duenez, "ikerketa ez da oraindik amaitu", eta atxilotutako bi lagun horiek badaezpadako kartzelaldian daude.
Fronte Polisarioak errefusatu egin du NBEren ebazpena, eta "autodeterminazio eskubidea" aldarrikatu du baldintza "negoziaezin" gisa
Mendebaldeko Sahararen nazio askapenerako mugimenduak salatu duenez, "Marokoren okupazioa legitimatu egiten du" autonomia proposamenak.
Mohamed VI .ak dio Marokok "kapitulu berri bat" ireki duela Mendebaldeko Sahararako bere planak NBEren babesa jaso ondoren
Marokoko erregeak Tindufen errefuxiatuta dauden sahararrei dei egin die "aukera historiko hau" aprobetxa dezaten "familiekin biltzeko", eta Aljeriako presidenteari "elkarrizketa zintzoa eta anaiartekoa" egiteko eskatu dio.
Saharar autonomiarako Marokoren plana hartu du oinarri Segurtasun Kontseiluak, eta beste urtebetez luzatu du bere misioa
Marokoren plana "irtenbide justu eta iraunkor bakarra" dela uste du AEBko proposamenak, eta aurrera atera da, Aljeria, Txina eta Errusiaren abstentzioarekin.
Munduko kaleak izaki beldurgarrienez bete dira
Gaur gauean, iluntasunak hartuko ditu munduko kaleak. Dagoeneko izaki beldurgarriak dabiltza han eta hemen, itzal eta argi artean. Gurean, Gau Beltza; munduan, Halloween. Urriaren 31n, milaka lagun mozorrotuta aterako dira kalera, beldurraren eta dibertimenduaren artean dantza egitera. Uztaren amaieraren ospakizuna urruti dago askorentzat, baina gauak berak emango du uzta emankorra gaurkoan: irria, oihuak eta misterio apur bat.
'Melissa' urakanak 50 hildako baino gehiago utzi ditu jada Karibeko hainbat herrialdetan
Erreskate taldeek lanean jarraitzen dute zikloiak gehien kaltetutako eremuetan, hala nola Haitin, Panaman, Dominikar Errepublikan eta Kuban. Lehorretik iristea bereziki zaila izaten ari da gehien kaltetutako landa eta kostalde eremuetan.