Kuba terrorismoa sustatzen duten herrialdeen zerrendatik kendu du Bidenek, eta Habanak 553 preso askatuko ditu
Joe Biden AEBko presidenteak "terrorismoa sustatzen duten herrialdeen" zerrendatik kendu du Kuba, kargua utzi eta Donald Trumpek hartzeko astebete baino gutxiago falta denean. Segituan, Kubak iragarri du 553 preso askatuko dituela. Trumpek berriro sartu zuen Kuba zigor gogorrak ezartzea ahalbidetzen duen herrialdeen zerrenda horretan, bere lehen agintaldian, 2020 urtean.
AEBko Gobernuak azaldu duenez, Vatikanoa bitartekari duen prozesu baten baitan hartu du erabakia Bidenek. Ondorioz, alde batetik, preso horiek aske utziko dituzte. Bestetik, finantza-zigor batzuk bertan behera geldituko dira eta AEBko herritarrek Kuban dituzten jabetzak desjabetzea AEBko auzitegien bidez eskatzeko aukera ere ezerezean utzi du.
Hartu dituzten neurrion trukean, Etxe Zuriak aurreratu du Kubako kartzeletan dauden preso kopuru "handi" bat askatuko zutela "denbora gutxian", tartean, 2021eko uztailaren 11ko protestetan parte hartu zuten pertsona batzuk.
Erabakiaren berri ematean, Bidenen administrazioak azaldu du azken urteotan kidetzat izan dituzten hainbat herrialdek eta nazioarteko erakundek (Europar Batasuna, Brasil, Kolonbia, Txile eta Kanada) Kuba zerrenda horretatik kentzeko eskatu izan dietela.
Kubako Gobernuak "norabide egokian hartutako erabakia" dela esan du. Joe Bidenen iragarpenaren ostean, uharteko Atzerri Ministerioak azpimarratu du urrats "oso txikia" dela politika "krudel eta bidegabe" batean. "Gerra ekonomikoa bere horretan dago oraindik", gaineratu du.
Kubaren aurkako "blokeo ekonomikoa eta dozenaka neurri hertsatzaileen zati handi bat" indarrean daudela gogorarazi du Habanak ohar batean.
Donald Trumpek sartu zuen azkenengoz Karibeko herrialdea zerrenda horretan 2021eko urtarrilean, agintaldia utzi aurreko egunetan. Orduan eman zuten arrazoia izan zen Kolonbiako ELN gerrillako kideak zeudela uhartean. Hain zuzen ere, Habanara iritsi berri ziren Kolonbiako Gobernuarekin bake-negoziazioak hasteko.
Zerrendan egotearen ondorioetako batzuk hauek dira: herrialde horri armak saltzeko debekua, esportazioen kontrol handiagoa, kanpo-laguntza murriztea, bisatuak eskuratzeko betekizun zorrotzagoak eskatzea eta hainbat zigor ekonomiko.
Kuba 1982etik 2015era bitartean egon zen "terrorismoa sustatzen dutenen" zerrendan. Barack Obama orduko AEBko presidenteak (2009-2017) bultzatu zuen herrialdea zerrendatik kentzea. Trumpek, ordea, Habanaren gaineko zigorrak gogortu zituen eta giroa desizoztea geldiarazi zuen bere agintaldian.
Azken urteetan, berriz, Bidenen Gobernuak uhartearekiko keinu batzuk izan ditu, hala nola Kubarako diru-bidalketen muga kentzea, nahiz eta orain arte zerrendan izan.
Prisoners Defenders (PD) gobernuz kanpoko erakundearen arabera, arrazoi politikoengatik 1.148 preso inguru daude Kuban.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.