Marco Rubio, Estatu idazkari berria: "AEBk bakea bilatuko du, indarraren bidez"
Marco Rubiok Ameriketako Estatu Batuetako Estatu idazkari karguaren zina egin du gaur, eta berretsi du Donald Trumpen Administrazioak nazioartean "bakea indarraren bidez" bilatuko duela eta interes nazionalen alde egingo duela.
"Presidenteak inbestidura hitzaldian argi utzi zuen AEBko atzerri politikaren helburu nagusietako bat bakea sustatzea dela. Bakea indarraren bidez, eta gure baloreak alde batera utzi gabe", esan du gaur Ameriketako Estatu Batuetako diplomazia buru karguaren zina egin ostean.
"Harritzekoa da; esan beharreko zerbait da eta azken boladan ez baita behar beste esan", azpimarratu du Rubiok, eta Senatuaren babesaren ostean karguaren zina egin duen kabinete berriaren lehen kidea izan da.
Rubiok Estatu idazkari gisa egin dituen aurreneko adierazpenetan azaldu duenez, AEBko atzerri politika hiru galdera hauei erantzunda egin behar da: "Indartsuago egiten gaitu? Seguruago egiten gaitu? Oparoagoak egiten gaitu? Hiru horietako batean erantzuna baiezkoa ez bada, ez dugu egingo", nabarmendu du.
"Eraldaketa une bat da. Mundua leku seguruagoa egingo duen aro berri baterantz goaz", ziurtatu du Rubiok. Kubako jatorriari keinu eginez gaztelania ere erabili du bere hitzaldian.
Rubiori NBCn egin dioten elkarrizketa batean, Trumpek Ukrainako gerrari berehala amaiera emateko duen gaitasunari buruz egindako adierazpenez galdetuta, Estatu idazkari berriak nabarmendu du behar-beharrezkoa dela bakea lortu nahi duen presidente bat izatea.
"AEBren politika ofiziala gerra amaitu behar dela izango da, eta ahal dugun beste egingo dugu horrela izan dadin", beretsi du Rubiok, eta "bi, hiru edo lau urte barru" beste gerra bat galaraziko duen konponbide "egonkor eta iraunkor" baten alde egin du.
Hala ere, Rubiok berriro aitortu du Senatuko Kanpo Harremanetarako Batzordearen aurrean egindako agerraldian egin bezala, Ukrainako gerra gatazka "konplexua" dela, "zaila" izango dela konpontzea, eta, horregatik, bi aldeek amore eman beharko dutela "helburu maximoetan".
Albiste gehiago mundua
90.000 pertsona inguru elkartu dira Arizonan, Charlie Kirken omenaldi ekitaldian
Arizonan, State Farm futbol estadioan antolatu dute Charlie Kirken aldeko omenaldia. Irailaren 10ean hil zuten tiroz gazte ultraeskuindarra eta AEBetako toki guztietatik joandako 90.000 lagun elkartu dira hura omentzeko. Estadioak 70.000 lagunentzat du lekua, baina beste 20.000 eserleku ere jarri dituzte bertaratuei lekua egiteko. Segurtasun neurriak ikaragarriak dira estadio inguruan. Jende askok gaua ere inguruetan pasa du omenaldira joateko.
Netanyahuk esan du ez dela Palestinako Estaturik egongo, eta Palestina onartzen duten herrialdeak mehatxatu ditu
Benjamin Netanyahu Israelgo lehen ministroaren esanetan, ez da Palestinako Estaturik egongo, eta Erresuma Batuak, Kanadak, Australiak eta Portugalek iragarpena egin ondoren, Palestina onartzen duten herrialdeak mehatxatu ditu .
Erresuma Batuak, Kanadak, Australiak eta Portugalek Palestinako Estatua onartu dute
Bien bitartean, Benyamin Netanyahuk esan du ez dela Palestinako Estaturik egongo, eta mehatxatu egin ditu herrialdeak. Horrenbestez, NBEko 150 herrialdek onartzen dute jada Palestina ofizialki, Europar Batasuneko 14 tartean.
Palestinako Estatuaren onarpena giltzarri izango da ordu gutxi barru hasiko den NBEren 80. Batzar Nagusian
Erresuma Batuak, Kanadak, Australiak eta Portugalek igande honetan aitortu dute ofizialki Palestinako Estatua, goi-bileraren bezperan. Benjamin Netanyahu Israelgo lehen ministroak esan du ez dela inolaz ere Palestinako Estaturik egongo, eta Bezalel Smotrich zein Itamar Ben Gvir Israelgo ministroek Zisjordania anexionatzea proposatu dute, Palestinako Estatua aitortzeko erabakiei erantzuteko.
Ustelkeriak haserrea piztu du Filipinetan, eta protesta jendetsuak eta liskarrak izan dira
Protestek kaleak hartu dituzte Manila hiriburuan eta beste hiri batzuetan, herrialdean dagoen ustelkeria politikoa salatzeko. 'Bilioi bat pesoren martxa' deiturikoak erakunde erlijioso eta zibilak batu ditu, diru publikoa “lapurtu” izana salatzeko. Protesta gehienak baketsuak izan dira, baina zaurituak eta atxilotuak izan dira poliziaren kontrako istiluetan.
Honela ikusten dira Gazako bonbardaketak gauean
Israelek Gaza hiriaren aurkako erasoaldi militarrarekin jarraitzen du. Bonbardaketak ez dira eten. Leherketak oso urrunetik ikusten dira, gauez bereziki.
Errusiak "perbertsiorik gabeko" Eurovisionen jaialdi alternatiboa egin du
Errusiak "perbertsiorik gabeko" Eurovisionen jaialdi alternatiboa egin du. Errusiarekin ideologikoki bat egiten duten herrialdeek parte hartu dute Intervision musika jaialdian, 2022an Eurovisionetik kanporatua izan ondoren, “LGTBI eduki potentzial” guztietatik at. Vladimir Putin Errusiako presidenteak kultur nortasuna aldarrikatu du aurkezpen bideo batean. 11.000 ikusle baino gehiagoren aurrean, Duc Phuc vietnamdarrak irabazi du ekitaldia, Kirgizistan eta Qatar sailkatu dira ondoren.
Charlie Kirken hiletak tentsioa eta muturreko segurtasun neurriak eragingo ditu Glendalen
Donald Trump presidenteak berak hitz egingo du arratsaldeko ekitaldian, eta beste agintari garrantzitsu batzuk ere izango dira bertan.
Gutxienez 71 pertsona hil dituzte larunbat honetan Gazako Zerrendan
Israelek Gaza hirian lurreko erasoaldia hasi zuenetik izan den egunik gogorrenetako bat izan da gaurkoa. "Gerra hasi zenetik bizi izan ditugun unerik zailenetakoak bizitzen ari gara", ohartarazi dute Bautista Al Ahli ospitaletik.
Hamasek bahituen "agur-irudia" argitaratu du Israelen erasoaldiaren ostean
Hamas talde palestinarrak Gazan geratzen diren bahituen irudia zabaldu du, Israelgo Armadak Palestinako enklabean egindako erasoaldiaren ostean "agur esateko irudia" dela esanez. Horretan, 46 bahitu agertzen dira: 43 israeldar, 2 estatubatuar eta nepaldar bat.