Libre geratu diren azken bahituen egoera ikusita Netanyahuk esan du erantzun egingo duela
Mugimendu islamistak libre utzi dituen azken hiru bahituen itxura ikusita Benjamin Netanyahu Israelgo lehen ministroak esan du Hamasen aurkako erantzuna emango duela.
Horren aurretik, lehen ministroaren bulegoak esan du "ikuskizun harrigarria" izan dela Or Levi, Eli Sharabi eta Ohad Ben Ami bahituek eman dutena, eta Isaac Herzog presidenteak ere gaitzetsi du.
Israelgo presidenteak X sare sozialean zabaldu duenez, "ikuskizun ziniko eta ankerra" izan da, eta "gizateriaren aurkako krimena dirudi".
"Mundu osoak begiratu behar die Ohadi, Ori eta Eliri. 491 egunez infernuan egon ostean bueltan dira, gosetuta, zargalduta eta minduta, hiltzaile anker batzuek emandako ikuskizun ziniko eta anker batean", gaineratu du.
Bahituen senideak ere atsekabetuta agertu dira hiru bahituen egoera ikusita, eta libre uzteko operazioa "ikuskizun beldurgarria" izan dela esan du Bahituen eta Desagertuen Familien Foroak.
Bosgarren trukea
Hamasek bahitutakoen eta Israelek preso hartutako palestinarren arteko bosgarren trukea izan da gaurkoa.
Hamasen miliziek Gurutze Gorriaren esku utzi dituzte bahituak Deir el-Balah hirian, Gazako Zerrendako erdigunean, antolatutako ekitaldi batean.
Ohad Ben Amik 56 urte ditu, eta emaztearekin (azaroko su-etenean askatu zuten) batera bahitu zuten Beeri kibbutzean. Eli Sharabik 52 urte ditu, eta emaztea eta bi alabak galdu zituen Hamasek aipatu kibbutzean egindako erasoan. Or Levyk 34 urte ditu, eta Nova jaialdian bahitu zuten. 2023ko urriaren 7ko erasoan atxiki zituzten guztiak.
Bahituak serio, oso argal eta zahartuta agertu dira ia urte eta erdiz bahituta egon ostean.
Bestalde, Israelek, trukean, 183 preso palestinar utziko ditu libre. Dozenaka Ramallahra iritsi dira jada, Gurutze Gorriaren autobus batean, eta senideen eta ehunka herritarren ongietorria jaso dute, "Ala handia da" oihu artean.
Zure interesekoa izan daiteke
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.