AEBko burokrazia aparatua murriztea agindu dute Trumpek eta Muskek, batera egindako lehen elkarrizketan
Ameriketako Estatu Batuetako burokrazia aparatua murriztea. Helburu hori erakutsi dute agintea hartu zutenetik Donald Trump eta Elon Musk AEBko presidenteak eta Gobernuaren Eraginkortasunerako Departamenduaren buruak, hurrenez hurren, eta hala berretsi dute, bart, elkarrekin egin duten lehen elkarrizketan.
Elkarri etengabe konplizitate keinuak egin eta batak bestearen lana goratzen aritu dira hizketan bi mandatariak Fox News telebista-katean, laguna duten Sean Hannity kazetariaren galderei erantzunez. "Enpresaburu bikaina", "pertsona ona", "herria maite duena" eta "denetan azkarrena". Besteak beste, hitzok erabili zituen Trumpek alboan eserita zuen Musk definitzeko. Deigarria izan zen, baita ere, aurkezleak bi gonbidatuekiko azaldu zuen sintonia, egiten ari ziren proposamenei bere babesa azaldu zien eta.
Tesla eta SpaceX enpresen fundatzaileak bere buruari botatako laudorioak ere ez dira oharkabean pasatu. 'Tech support' (zerbitzu teknikoa) zioen kamiseta jantzita, Muskek ziurtatu zuen berak garatutako teknologiak "mundu hobea" egiten laguntzen dutela. Argi utzi zuen bere misioa Trumpen "agindu exekutiboak aplikatzea" dela. "Gobernuaren Eraginkortasunerako Departamenduaren funtzio nagusia da ziurtatzea presidentearen agindu exekutiboak benetan betetzen ari direla", esan zuen Muskek. Horretarako, gehitu zuen, "burokrazia zaborretara" bota behar dutela, "demokrazia eta herriaren borondatea berrezartzeko". Iragarri zuen AEBko egungo defizita txikitzeko 3 bilioi dolarreko murrizketa egingo dutela hainbat alorretan.
Hori guztia lortzeko, "koefiziente intelektual altua" duten gazteak kontratatu dituela esan du Trumpek. Horien lana izango omen da "urteetan egindako iruzurrak eta xahutzea atzematea". Zehaztu du ez dituztela erretiro pentsioak ukituko, ezta Medicare eta Medicaid osasun programak ere. Hori bai, kanpainan behin eta berriz esan bezala, Hezkuntza Departamendua ezabatzeko asmo sendoa agertu du presidenteak, uste baitu eskumen hori estatuen esku utzita emaitza akademikoak nabarmen hobetuko direla.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".