Mark Carney, Kanadako lehen ministro berria: "Inoiz ez gara AEBren parte izango, inola ere ez"
Mark Carney ekonomialaria Kanadako 24. lehen ministro bihurtu da gaur, Justin Trudeauren ordez, Ottawako zeremonia batean karguaren promesa egin ostean. "Inoiz ez gara Ameriketako Estatu Batuen parte izango, inola ere ez", adierazi du kargua hartu ondoren.
Carney duela 59 urte jaio zen Kanada ipar-mendebaldeko Fort Smith hiri batean, baina Edmonton Kanadako petrolioaren hiriburuan hazi zen.
Carneyk kargua hartu baino lehentxeago, Trudeau Mary Simon Kanadako gobernadore nagusiarekin bildu da, Erresuma Batuko erregearen ordezkari gisa, bederatzi urte baino gehiago lehen ministro izan ostean, dimisioa emateko.
Carneyz gain, Trudeauren (2015-2025) aurreko gobernuko ministroetako asko dituen exekutibo berriko kideek ere hartu dute kargua Simonen aurrean.
Carneyk Chrystia Freeland Garraio eta Barne Merkataritzako ministro izendatu du. Freeland Alderdi Liberalaren buru izateko hautagaietako bat izan zen, Carney berarekin batera, eta 2024ko abenduan dimisioa eman zuen.
Kanadako Gobernuko beste kide garrantzitsu batzuk hauek izango dira: François-Philippe Champagne, Finantza ministroa; Melanie Joly, Atzerriko ministro izaten jarraituko du, eta Dominic LeBlanc, Nazioarteko Merkataritzako arduraduna.
Gobernuburu berriak kudeatzaile ekonomiko onaren ospea lortu du Kanadako Bankuaren (2008-2013) eta Ingalaterrako Bankuaren (2013-2020) buru gisa.
Trumpen erasoak
Igandean, botoen % 86 jasota Alderdi Liberaleko buruzagi izendatu ostean, Donald Trump AEBko presidenteak Kanadako ekonomiari eta subiranotasunari egindako erasoak salatu zituen. "Kanada ez da inoiz Ameriketako Estatu Batuen parte izango, inola ere ez", ziurtatu zuen Carneyk.
Hauteskundeak aurreratzea
Lehen ministro gisa hartu beharreko lehen erabakietako bat Parlamentua desegitea eta kanadarrak hautetsontzietara deitzea izango da, hauteskunde orokorrak aurtengo urrirako aurreikusita baitaude.
Kanadako liberalak gutxiengoan daude Behe Ganberan, eta, beraz, oposizioko hiru alderdi nagusien batasunak (Alderdi Kontserbadorea, Alderdi Demokratiko Berria sozialdemokrata eta Quebeceko Bloke Independentista) zentsura-mozioa irabazi eta hauteskundeak aurreratzea eragin dezake.
Aurreikuspenen arabera, Carneyk Londresera eta Parisera bidaia egingo du datozen egunetan, Kanadak Europarekin duen lotura sendotzeko, AEBrekin dituzten harremanak okerrera doazelako, eta biratik itzultzen denean hauteskundeak aurreratuko ditu, Parlamentuko saioak martxoaren 24an berriro hasi baino lehen.
Albiste gehiago mundua
Kritikatzen duten kanalei emisio baimenak kentzeko mehatxua egin du Trumpek
"Nonbait irakurri dut kanalak % 97an daudela nire aurka, % 97an negatiboa. Eta, hala ere, erraz irabazi nuen zazpi estatu giltzarrietan (presidentzialetan). % 97 nire aurka badaude, publizitate txarra ematen didate eta lizentzia bat baino ez dute, baimena kendu beharko lieketela esango nuke", esan du Air Force One hegazkinean.
ABCn Jimmy Kimmelen programa bertan behera uztea eragin zuen bakarrizketa
Komiko estatubatuarrak zuzenean kritikatu zuen Etxe Zuriak Charlie Kirken hilketaren aurrean izandako erreakzioa, eta Trumpen adierazpenak erakutsi zituen. Horrek Etxe Zuriaren haserrea eragin zuen.
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.