Israelek lurreko erasoa zabaldu du Gazako Zerrendan, eta 500 hildako baino gehiago utzi ditu hiru egunean
Israelek lurreko operazioak abiatu ditu ostegun honetan Gazako Zerrendako iparraldeko kostaldean, Beit Lahia hiriaren inguruan, urtarrilean Hamasekin adostutako su-etena urratu ostean.
Lurreko erasoa baino lehen, Israelgo Armadak eremua bonbardatu du, "azpiegitura terroristak eta tankeen kontrako misilak jaurtitzeko Hamasen posizioen kontra".
"Gure indarrak Gazako Zerrenda osoan erasotzen ari dira une honetan, eta erakunde terroristen aurka jarduten jarraituko dute, Israelgo Estatuko herritarrei mehatxu oro ezabatzeko", adierazi du Armadak, Avichai Adrai bozeramaileak gazatarrei iparraldetik lurralde palestinarraren hegoaldera, edo alderantziz, ez joateko eskatu eta ordu batzuetara.
Izan ere, Israelgo Armadak erasoak Rafahera arte zabaldu ditu gaur, Zerrendako hegoaldean. "Azken orduetan, Israelgo Defentsa Indarrek lurreko operazio bat hasi dute Rafaheko Shabura auzoan. Ekintza horien baitan, tropek hainbat azpiegitura terrorista suntsitu dituzte", azaldu du Armada sionistak sare sozialetan.
Israelgo Armadak asteartean ekin zion berriro Zerrenda bonbardatzeari, eta orain arte 591 pertsona hil ditu, tartean 200 haur baino gehiago, eta ehunka zauritu utzi ditu. Bestalde, Abdulatif al-Qanu Hamasen bozeramaileak baieztatu duenez, Israelek Gazaren aurka egindako "erasoa gelditzeko" bitartekariekin "hitz egiten jarraitzen du", eta eskatu du "genozidioaren" aurrean palestinarrak "salbatzeko" eskualdeko herrialdeen "premiazko ekintzak" hartzea.
Zaher al-Waheidi Osasun Ministerioko hildakoen unitate zentralizatuaren buruak EFEri azaldu dionez, Israelgo erasoek 85 pertsona hil dituzte bart, eta 133, zauritu.
18 urtetik beherako haurrena da adin-tarte kaltetuena; izan ere, hiru egunean, gutxienez, 200 hildako utzi ditu Israelek (guztizkoaren % 39,6), baita 155 gizon hil ere (18-59 urte), 112 emakume eta, gutxienez, 39 adineko (60 urtetik gorakoak).
Gaurko zifrak kontuan hartuta, Israelek 2023ko urrian erasoaldia hasi zuenetik 49.600 pertsona baino gehiago hil ditu, eta 113.000 zauritu.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.