Vancek iradoki du AEBk Groenlandiaren atxikimendua negoziatuko duela Danimarkarengandik banantzen denean
AEBko presidenteordeak, JD Vancek, Groenlandiako Pituffik base espazialetik ostiral honetan iradoki duenez, Ameriketako Estatu Batuek lurraldearen atxikimendua negoziatuko dute autodeterminazioari buruzko erreferendum baten bidez Groenlandia Danimarkarengandik independizatzen denean.
"Gure ustez, groenlandiarrek autodeterminazioaren bidez aukeratuko dute Danimarkatik independizatzea, eta gero elkarrizketak izango ditugu Groenlandiako herriarekin. Hala ere, etorkizunean urrunegi dagoen zerbaiti buruz hitz egiteko goizegi dela uste dut", adierazi du.
Danimarkak Groenlandia babesteko lanean "huts" egin duela ziurtatu du Vancek tropa estatubatuarren aurrean. "Base hau gaur baino seguruagoa zen duela 30 edo 40 urte, gure aliatuetako batzuk ez dutelako behar zuten neurria eman", esan du.
"Danimarkaren aldetik kritika asko izan dira, bai eta Trumpen Administrazioaren, presidentearen, neure eta gure administrazioko beste kide batzuen aurkako eraso asko ere, egia dena esateagatik: Danimarkak ez duela lan ona egin Groenlandiako herriaren segurtasuna bermatzen", nabarmendu du.
Ildo horretan, "iraganean segurtasun aliantza garrantzitsuak egon direla onartzeak ez du esan nahi aliatuekin desadostasunik ez dagoenik". "Ez dago beldurtzeko, iraintzeko edo gaia nahasteko inongo beharrik", esan du.
Donald Trump AEBko presidenteak Groenlandia indarrez bereganatzeko dituen asmoei buruz galdetuta, Vancek nabarmendu du AEBk "Groenlandiako herriaren autodeterminazioa errespetatzen" duela.
"Donald Trump presidenteak uste du Groenlandia garrantzitsua dela, Estatu Batuen segurtasunerako ez ezik, baita munduko segurtasunerako ere, eta, jakina, baita Groenlandiaren segurtasunerako ere", adierazi du, baina lurraldea Washingtonen "aterkipean" egotea "askoz hobea" izango litzatekeela gaineratu du.
Vancek berretsi duenez, aliatuek "ez diote eutsi beharrezkoa zen erritmoari" Txinak eta Errusiak eskualdean dituzten interes gero eta handiagoen aurrean. "Danimarkak ez du nahikoa egin base honi eusteko, gure tropak mantentzeko eta, nire ustez, Groenlandiako herria Errusiaren, Txinaren eta beste nazio batzuen eraso oldarkor askotatik salbu mantentzeko beharrezkoak diren baliabideak eskaintzeko", esan du.
Hala, horren esanetan, AEBk "Artikoko liderra" izan beharko luke. "Badakigu, hala ez bada, beste nazio batzuek beteko dutela geratzen den hutsunea", argudiatu du, eta lurraldean "baliabide gehiago" inbertituko dituztela iragarri du.
Albiste gehiago mundua
Aitor Zabalgogeazkoa: "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.
Trumpek Armada zabalduko du Washingtonen, eta Poliziaren kontrola bereganatu du
Agintari errepublikanoak krimenengatik kontroletik kanpo dagoen hiriburu baten irudia marraztu du Etxe Zurian egindako agerraldian. Hilketak "munduko okerrenak" diren lekuetan, Bogotan eta Mexiko Hirian, esaterako, baino askoz gehiago direla adierazi du.
Duela 66 urte Antartikan desagertutako zientzialari baten gorpua aurkitu dute
Gorpuzkiak Dennis "Tink" Bell meteorologoarenak dira, 1959an pitzadura glaziar batera erori zen 25 urteko britainiar meteorologoarenak.