1.600 hildakotik gora zenbatu dituzte jada Myanmarren
Myanmarko batzorde militarrak jakinarazi du ostiralean Myanmar astindu duen lurrikarak gutxienez 1.664 hildako, 3.408 zauritu eta 139 desagertu utzi dituela.
Mandalay eskualdean soilik 700 hildako zeudela jakinarazi eta ordu gutxira eman ditu datu horiek batzorde militarrak.
Min Aung Hlaing batzorde militarraren burua Mandalayn bertan izan da, eta oraindik datuak pilatzen ari direla esan du.
Bertan 12:50 (Euskal Herrian 07:20) zirenean gertatu zen lurrikara, 10 kilometroko sakoneran, eta Sagaing eta Mandalay artean izan zuen epizentroa, azken horretatik 17 kilometrora, AEBko Geologia Zerbitzuaren arabera.
Harrezkero, erreskate taldeak etenik gabe ari dira lanean, norbait bizirik aterako duten esperantzarekin, nahiz eta orduek aurrera egin ahala txikitu egiten den aukera hori.
Indar Armatuek larrialdi egoera ezarri dute Mandalayn, Sagaingen, Magwayen, Shanen, Naypyidawn eta Bagon ere.
Txinan, Indian eta Thailandian ere nabaritu zuten dardara. Bangkoken gutxienez 10 pertsona hil eta 100 desagertu dira, eraikitzen ari ziren hiru eraikin behera etorrita.
NBEk laguntza indartu du
Nazio Batuen Erakundeak larrialdietarako laguntza areagotu du Myanmarren, eta 4,6 milioi euro gehiago bideratuko ditu lurrikararen ondorioei aurre egiten laguntzeko.
Testuinguru horretan, Elikagaien Mundu Egitasmoak azpimarratu du lau herritarretik bat "elikadura segurtasun gabezia larrian" dagoela, eta Myanmarrek ezin duela hondamendi gehiago izan, biziraun nahi badu.
Tom Andrews NBEk Myanmarrerako duen kontalariak ohartarazi du batzorde militarrak "arma" moduan erabiltzen duela laguntza militarra, eta nazioarteari eskatu dio oposizioaren bitartez bideratzea laguntza.
Txinak, bere aldetik, Myanmarren mugakide den heinen, erreskate taldeak bidali ditu, 10 milioi eurotik gorako laguntza humanitarioarekin batera.
Naciones Unidas pide a la comunidad internacional "ayuda urgente"
NBEk "premiazko laguntza" eskatu die nazioarteko herrialdeei
Nazio Batuen Erakundeak, bestalde "premiazko laguntza sendoa" eskatu die nazioarteko herrialdeei Myanmarrentzat. "Aurretik ere, gatazkengatik eta sarritan jasan dituzten hondamendi naturalengatik, kolokan zegoen Myanmarreko egoera humanitarioa, eta berriro ere astinaldia jaso du herrialde horrek atzoko lurrikararen ondorioz", esan du NBEren Myanmarko koordinatzaile humanitario Marcoluigi Corsik.
Erreskate lanak Bangkoken
Bien bitartean, dozenaka langile ari dira erreskate lanetan Thailandian ere hondakin artean harrapatuta geratu diren pertsonen bila.
Bangkoken, ehunka pertsona ari dira eraitsitako eraikinen hondakinen artean bilatzen, eraikitzen ari ziren hiru eraikin behera etorri eta gutxienez 10 pertsona hil ostean.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.