AEBko fiskal nagusiak Luigi Mangioneri heriotza-zigorra ezartzea eskatzeko agindua eman du
Pamela Bondi AEBko fiskal nagusiak astearte honetan jakinarazi duenez, Luigi Mangioneri heriotza-zigorra ezartzeko eskaera agindu die fiskal federalei, Brian Thompson UnitedHealthcareren zuzendari exekutiboa hiltzea egotzita.
"Kontu handiz begiratu ondoren, kasu honetan heriotza-zigorra eskatzeko agindu diet fiskal federalei, Trump presidentearen agenda ezartzen ari garen bitartean, indarkeriazko delituak gelditzeko eta Estatu Batuak berriro seguru izan daitezen", adierazi du Bondik ohar batean.
Fiskal nagusiak azpimarratu duenez, Brian Thompsonen hilketa "aurrez pentsatutakoa eta odol hotzez egindakoa" da, eta Thompson "gizon errugabea" eta bi haur txikiren aita dela erantsi du. Bondik ziurtatu du hilketa "indarkeria politikoa" izan dela.
New Yorkeko estatuan, 1963an Eddie Maysek exekutatu zutenetik ez da halakorik egin, nahiz eta 2007ra arte presoak heriotzaren korridorean egon ziren.
Hilketa kargu federal horiek dira akusatuari heriotza-zigorra ekar diezaioketenak, baina Mangionek beste bi prozesu judiziali ere egin behar die aurre, bata New Yorken, balizko terrorismo ekintza batengatik, eta bestea, Pennsylvanian.
Fiskaltzak adierazi du bi kasuak aldi berean izapidetuko direla. Estatuko karguak lehenengo epaitzea espero den arren, ez dago argi Bondiren aginduek prozesu judizialen ordenari eragingo dioten.
Bestalde, Karen Friedman Agnifiloren, Luigi Mangioneren abokatuaren hitzetan, "Justizia Departamentua disfuntzionalitatetik basakeriara igaro da". Agnifiloren ustez, gainera, Bondik egindako eskaera horrekin Mangione arrazoi politikoengatik "hiltzen saiatzen ari dira".
"Luigi exekutatzeko erabakia politikoa da, eta tokiko fiskal federalen gomendioaren, legearen eta aurrekari historikoen aurka doa (...). Gobernu federalak Estatuak babestutako hilketa egiteko jarduten du", gaineratu du abokatuak.
Era berean, Agnifiloren ustean, AEBko Gobernuaren barruan dagoen "disfuntzio sare ustel" baten "garaikur" politikoa da Mangione.
Mangionek, oraingoz, ez du bere burua errudun jo, eta Brooklyngo (New York) Atxiloketa Zentroan preso dago.
Mangioneren kasuak interes handia sortu du AEBn; izan ere, askok gaztea aseguru-etxe pribatuen negozioari aurre egin dion heroi bat dela uste dute, eta bere defentsa ordaintzeko ekimen batek dagoeneko 700.000 dolar baino gehiago bildu ditu.
Zure interesekoa izan daiteke
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.