Milaka lagun bildu dira AEBn Trumpen eta Musken murrizketen aurka protesta egiteko
Milaka lagun atera dira kalera larunbat honetan AEBko hiri nagusietan deitu dituzten 1.200 manifestazioetan parte hartzera. Donald Trump presidentearen eta Elon Musk milioidunaren aurkako protesta egunik handiena izatea espero zuten antolatzaileek. Mobilizaziorik jendetsuena Washingtonen egin dute, National Mallen, Etxe Zuritik gertu, 20.000 lagun baino gehiago bildu baitira.
Besteak beste, "Ez ukitu Gizarte Segurantza" eta "Faxismoa iritsi da" mezuak zituzten kartelak erakutsi dituzte manifestariek, baita AEBko bandera behera begira jarri ere, garai batean armadari laguntza eskatzeako seinale zena protesta politikoaren ikur bihurtuta.
Protestak direla eta, Melania Trump lehen damak atzeratu egin du Etxe Zuriko lorategien udaberriko irekiera, larunbat honetan jendarteari irekita egitekoa zena.
AEBko 50 estatuetan antolatu dira protestak, baina baita mugakide diren Kanadan eta Mexikon ere.
Hands off! leloa hautatu dute sindikatuek, talde ekologistek, beteranoek, feministek eta LGTB eskubideen aldeko plataformek mobilizazioetarako goiburu nagusi gisa. 150 kolektibok baino gehiagok deitu dituzte protestak, langileen nazioarteko sindikatutik hasi eta Greenpeaceraino. Israel Gazan egiten ari den operazio militarraren aurka protesta egiteko ere baliatu dute Palestinaren aldeko taldeek.
Manifestazioak Kapitolioaren atarian zein egoitza federal, biltzarkideen bulego, Gizarte Segurantzaren egoitza, parke eta udaletxeen aurrean egin dira, CNN kateak jaso duenez.
"Bidali Musk Martera!"
Manifestariak Trumpen eta Musken aurkako kartel eta leloekin joan dira elkarretaratzeetara. Besteak beste, AEBko Gobernua desegitea egozten diete. Egia da, izan ere, Musken Gobernu Eraginkortasuneko taldeak (DOGE) 2,3 milioi langile federalen 200.000 lanpostu ezabatu dituela. Ostiralean bertan, Barne Zergen Zerbitzua (IRS) 20.000 langile baino gehiago kaleratzen hasi zen, langileen % 25.
Funtzionarioak kaleratzeaz gain, biztanleria oso haserre dago gizarte-laguntzetan, hezkuntzan eta ikerketan izandako murrizketengatik, adibidez. Trumpen erruz AEB "krisian" dagoela eta "mugitzeko garaia" dela aldarrikatu dute deitzaileek.
Eskaeren artean, "milioi asko dituztenek boterea hartzeari eta Trumpen Administrazioaren ustelkeria kontrolgabeari amaiera ematea" edo Medicaid eta Gizarte Segurantza programetan osasun gastuetarako funts federaletan egindako murrizketak amaitzea. Halaber, "etorkinen, trans pertsonen eta beste komunitate batzuen aurkako erasoak" amaitzeko eskatu dute.
Washington hiriburuan politikariek hartu dute hitza, eta Jamie Raskin Ordezkarien Ganberako kideak, esaterako, Trumpek "(Benito) Mussoliniren politika eta Herbert Hooverren ekonomia" dituela salatu du.
Halaber, Europako ehunka hiritan ere protestak izan dira apirilaren 5 honetan, hala nola Londresen, Parisen eta Berlinen. Donald Trumpen politiken kontra eta bereziki azken egunotean muga-zergen inguruan hartu dituen erabakien kontra egin dute protesta. Europan bizi diren estatubatuarrek deitu dituzte elkarretaratzeak, eta, besteak beste, Elon Musken Tesla auto elektrikoei boikota egiteko eskatu dute.
Albiste gehiago mundua
Kritikatzen duten kanalei emisio baimenak kentzeko mehatxua egin du Trumpek
"Nonbait irakurri dut kanalak % 97an daudela nire aurka, % 97an negatiboa. Eta, hala ere, erraz irabazi nuen zazpi estatu giltzarrietan (presidentzialetan). % 97 nire aurka badaude, publizitate txarra ematen didate eta lizentzia bat baino ez dute, baimena kendu beharko lieketela esango nuke", esan du Air Force One hegazkinean.
ABCn Jimmy Kimmelen programa bertan behera uztea eragin zuen bakarrizketa
Komiko estatubatuarrak zuzenean kritikatu zuen Etxe Zuriak Charlie Kirken hilketaren aurrean izandako erreakzioa, eta Trumpen adierazpenak erakutsi zituen. Horrek Etxe Zuriaren haserrea eragin zuen.
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.