Israelek Gaza hirian irekita zegoen azken ospitalea bonbardatu du, eta gaixoak eta langileak ebakuatu dituzte
Israelgo Aireko Armadak Gaza hiriko Al-Ahli Ospitaleko (Bautista Ospitalea) sarrerako eraikina bonbardatu du gaur goizaldean, eta kalte materialaz gain, gaixoak eta langileak ebakuatu behar izan dituzte, bertako Osasun Ministerioak eta Defentsa Zibilak jakinarazi dutenez.
"Israelgo okupatzaileek Bautista Ospitaleko eraikinetako bat bonbardatu dute Gaza hiriaren erdigunean, eta gure langileak hara bidean doaz", ohartarazi du 02:30 aldera bertako Defentsa Zibilak.
Haur bat hil egin da gaixoak ebakuatu dituztenean. "Familiak atera du oxigenoa jarri behar zitzaiola jakin gabe, eta haurra hil egin da", azaldu du osasun langile batek.
Gazako Osasun Ministerioak erasoa gaitzetsi du, harrera eraikina "guztiz" suntsitu duelako, eta ospitalean zeuden gaixoak eta langileak ebakuatzera behartu duelako. Hala, nazioarteari esku hartzeko eta Gazako Zerrendaren aurkako giza eskubideen urraketak etenarazi ditzala eskatu dio.
Bi misil jaurti dituzte eraikinaren aurka, eta suntsipenaz gain, sute bat ere izan da, eta ondoko larrialdien eremua, laborategia eta farmazia kaltetu ditu, Gazako Wafa albiste-agentziaren arabera.
Al Jazeera telebista kateak zabaldutako bideo batean ikusten denez, bonbardatutako eraikina behera etorri da, eta hondakinen artean pertsonak bilatzen ari dira. Gainera, hedabideak zehaztu du osasun zentro osoa ezin erabili dago.
Bonbardaketaren ostean, Israelek azken 18 hilabeteetako oldarraldian eraso dituen 35 ospitaleen zerrenda zabaldu du Gazako Informazio Bulegoak.
Israelek dio Hamasek ospitalean base bat zuela
Israelek esan du Hamasek base bat zuela ospitalean, baina ez du frogarik aurkeztu.
"Israelgo Defentsa Indarrek eta Israelgo Segurtasun Indarrek Hamasek Al-Ahli Ospitalean erabiltzen zuen aginte eta kontrol zentro baten kontra eraso egin dute, Gaza iparraldean. Hamaseko terroristek Israelgo zibilen eta tropen aurkako eraso terroristak prestatzeko eta gauzatzeko erabiltzen zuten zentroa", adierazi du Israelgo Armadak komunikatu batean.
Armadak ziurtatu du neurriak hartu dituela zibilak eta osasun zentroa ahalik eta gutxien kaltetzeko, eta horretarako alerta mezuak eta "munizio zehatza" erabili omen dituzte.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.