Erresuma Batuko Gorenak ebatzi du "sexu biologikoa" dutenak soilik jo daitezkeela emakumetzat juridikoki
Erresuma Batuko Auzitegi Gorenak ebatzi duenez, 2010eko Berdintasun Legeak "biologikoki" emakume direnak soilik babesten ditu, eta ez andre transexualak edo pertsona intersexualak.
Emakume transexualak legearen babespean zeudela erabaki zuen Eskoziako Gobernuak, eta horren kontra egin zuen For Women Scotland (FWS) talde Feminista Erradikal Trans-Baztertzaileak (TERF). Talde horri arrazoia eman dio orain Gorenak, aho batez eman ere.
Berdintasun Legeak dakarren "emakume" hitzaren definizio juridikoa jarri da ezbaian. Gorenak argudiatu duenez, "biologikoki emakume direnei bakarrik egiten die erreferentzia"; ez, ordea, sexu-aitortzaren ziurtagiria jaso duten emakume transei edota pertsona intersexualei. Hala, aurrerantzean, emakume transexualek ezingo dituzte jaso indarkeria matxistaren biktimei zuzendutako laguntzak, eta ezingo dituzte erabili emakumeentzako dauden hainbat espazio (kartzelak, komunak edo aldagelak, besteak beste).
Epaileek ohartarazi dutenez, erabakia ezin da "batzuen edo besteen garaipentzat" hartu, eta gogora ekarri du 2010eko lege horrek bazterkeriatik babesten dituela pertsona transak.
Epaiaren berri ezagutu bezain laster, hura ospatzen hasi dira auzitegiaren aurrean bildutako FWS taldeko jarraitzaile transfoboak.
Borroka juridiko luze baten ondotik —J.K. Rowling "Harry Potter" liburu sortaren egileak 80.000 euro eman dizkio talde TERFari— etorri da Gorenaren erabakia, eta jurisprudentzia ezarriko du gaiarekin lotutako etorkizuneko auzietan. Bereziki 2018an egindako erreforma bati lotuta izan dira gatazkak, administrazio publikoan gizon eta emakume kopuru bera izan behar dela dion horretan, alegia.
Epaiak "argitasuna" emango du, Erresuma Batuko Gobernuaren arabera
Lehen balorazio batean, gobernu britainiarrak esan du Gorenaren epaiak "argitasuna eta konfiantza emango diela emakumeei eta erakunde publikoei, hala nola ospitaleei, ostatuei eta kirol klubei".
"Beti defendatu dugu sexu biologikoaren arabera bereizitako espazioak egotea", nabarmendu du exekutibo laboristaren bozeramaile batek. "Legeak sexuaren araberako espazio bereiziak babesten ditu, eta gobernu honekin ere hala jarraituko dute", erantsi du.
Zure interesekoa izan daiteke
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.