Reform UK alderdiko ultraeskuindarrek funtsezko eserleku bat kendu diete laboristei, sei botoren aldeagatik
Sarah Pochin Reform UK alderdiko hautagaiak irabazi du Runcorn eta Helsby barrutietako Parlamentuko eserlekua, Ingalaterran egindako udal hauteskundeetan. Alderdi ultraeskuindarrak sei botoko aldea lortu zuen Alderdi Laboristaren aurrean.
Mike Amesbury laboristak kargua utzi zuen martxoan, hamar hilabeteko kartzela-zigorra jaso baitzuen kalean izandako borroka batean gizon bati ukabilkadak emateagatik. Bere eserlekua zegoen jokoan.
Hauteskunde partzial hau Keir Starmer Britainia Handiko lehen ministroarentzat lehen azterketa handia izan da, 2024ko uztaileko hauteskunde orokorrak irabazi ostean. Pochinek 14.696 botoko gehiengo laborista iraultzea lortu zuen, boto-asmoaren azken inkesten arabera, Reform faborito zen barrutian.
Garaipen horrekin, Nigel Faragek (jatorriz Brexitaren Alderdiko kidea) zuzendutako alderdiak dagoeneko bost diputatu ditu Erresuma Batuko Parlamentuan. Laboristek bigarren zenbaketa bat eskatu zuten Runcornen eta Helsbyn, baina emaitzak bere horretan jarraitu zuen.
Garaipenaren berri izan ostean, Faragek esan du "sentsazioa" dagoela Laborismoa ez dela "alderdi patriotiko bat". "Ez gara protesta alderdi bat, baina asko dago protestatzeko. Reform UK inguruan dagoen dardara guztia herrialde honi buelta eman diezaiokegulako da. Gainbeheran dagoela aitortzen dugu. Hobeto egin dezakegu. Jende positiboa gara, desberdina", adierazi du.
Hauteskunde egunean, 1.600 zinegotzi postu zeuden jokoan eta 23 udalerritan bozkatu zen. Gainera, tokiko hauteskundeak egin ziren sei udalerritan: North Tyneside, Hull & East Yorkshire, Doncaster, Cambridgeshire & Peterborough, West of England eta Greater Lancashire.
Albiste gehiago mundua
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.
Ukrainako bakea, fase erabakigarrian: Trump Zelenskirekin bilduko da Putinekin egon ostean
Financial Times hedabide britainiarrak jakinarazi duenez, Errusiaren eskakizunek baldintzatuko dute batzarra: Donetsk eta Luhansk, bake akordioa bermatzeko. Gainera, Ukrainako presidentea ez da bakarrik egongo Etxe Zurian, Von der Leyenekin eta beste buruzagi europar batzuekin batera bertaratuko baita.