Edan Alexander israeldar-estatubatuarra askatuko du Hamasek Gazan su-etena lortzeko borondate oneko keinu gisa
Hamas Palestinako mugimendu islamistak Edan Alexander militar israeldar-estatubatuarra askatuko duela iragarri du, borondate oneko keinu gisa, "su-etena lortzeko, pasabideak irekitzeko eta laguntza eta sorospena Gazako zerrendara iristea ahalbidetzeko".
Khalil al-Hayya Hamasek Gazan duen buruzagiak ohar baten bidez jakinarazi duenez, erabaki horrekin "negoziazio intentsiboak eta ahalegin serioak" hasteko prest agertu da mugimendua, "gerra geldiaraziko duen eta presoak adostasunez trukatzea ahalbidetuko duen azken akordioa lortzeko".
Hamasek, halaber, Gazako Zerrenda erakunde independente eta profesional batek administratzeko akordio bat lortzeko borondatea adierazi du, lasaitasuna eta egonkortasuna bermatzeko, bai eta blokeoa amaitzeko eta herria berreraikitzeko ere.
Iragarpenaren ostean, Netanyahuren Bulegoak argitu du ez duela su-etena adostu, ezta Hamaseko presoen askatzea ere. "Edan Alexander bahitu israeldar-estatubatuarra libre uzteko korridore seguru bat prestatzen ari gara, besterik ez".
"Negoziazioek oldarraldi betean jarraituko dute; borrokak areagotzea dugu aurreikusita", azaldu du bulegoak ohar bidez.
AEB, Israelera
Steve Witkoff AEBk Ekialde Hurbilerako duen ordezkari bereziak Israelera bidaiatuko duela iragarri du, Edan Alexander askatuko dutela bermatzeko. "Bihar askatuko dute, ziur aski".
"Negoziazio luzea izan da jende askorekin, eta eskerrak eman nahi dizkiegu", esan dio NBC News kateari.
Hamasek adierazi du negoziazio "zuzenak eta aurreratuak" dituela AEBrekin
Bestalde, Palestinako mugimendu islamistaren buruzagitzak igande honetan baieztatu du Estatu Batuekin negoziazio "zuzenak eta aurreratuak" dituztela, Gazako Zerrendan su-etena berrezartzeko eta laguntza humanitarioa sartzeko helburuz.
Al Jazeera kateari egindako adierazpenetan, Hamaseko buruzagitzako kide batek baieztatu du elkarrizketa horiek "duela egun batzuetatik" daudela martxan eta zehaztu du Israelek martxotik blokeatuta duen laguntzaren sarrerari buruz zein su-etenari buruz hitz egiten ari direla.
Era berean, AEBko komunikabideek zabaldu dute Steve Witkoff bitartekaria Qatarrekin eta Egiptorekin hitz egiten ari dela bahituak askatzea eta "gatazka deseskalatzea" lortzeko.
Lehen ministroak aurrez egindako agerraldi batean Gazako gerrarako "egun kritikoetan" daudela esan du, eta Hamasek Edan Alexander militar israeldar-estatubatuarra askatzeko aukerarekin ere espekulatu du, datorren astean eskualdea bisitatuko duen Donald Trump AEBko presidentearekiko "keinu gisa", Walla Israelgo albiste atariak jasotzen duenez.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".