Israelek lau kazetari gazatar hil eta bat zauritu du Bautista Ospitalearen aurkako bonbardaketan
Gutxienez lau kazetari hil eta bat zauritu ditu Israelek ostegun honetan Gazan, hiriaren iparraldean dagoen Bautista erietxearen aurka egin duen bonbardaketan. Kazetariek Shams albiste-agentziarentzat eta Palestine Today eta Al Arabiya telebista-kateentzat egiten zuten lan.
Hildakoak zein zaurituak ospitaleko patioan ari ziren lanean hegazkin israeldarrek tokia bonbardatu dutenean, Wafa albiste-agentziak jakinarazi duenez.
Egunero aritzen dira kazetari eta kamerak gune horretan, lanean, Israelen Armadaren erasoek eragindako hildakoen eta zaurituen berri emateko. Tokiko iturrien arabera, "bonbardaketa kazetarien aurkakoa zen".
Gazaren aurkako erasoaldia hasi zuenetik, 220 kazetari baino gehiago hil ditu Israelek Armadaren eraso eta bonbardaketetan, Gazako Gobernuaren datuen arabera.
Kazetari, kamerari eta argazkilari palestinarrek soilik eman dezakete iguruan gertatzen ari denaren berri, Israelek atzerriko prentsari Gazan sartzea debekatu baitio. Mugarik Gabeko Erreportarien esanetan, Palestinako lurraldea munduko tokirik hilgarriena da 2025ean kazetaritzan aritzeko.
Hamasen esku dagoen Gazako Gobernuaren informazioaren arabera, 70 palestinar hil eta 189 zauritu dituzte azken 24 orduetan Israelen erasoetan.
Gerra hasi zenetik ia 20 hilabete pasa direnean, Benjamin Netanyahuren tropentzat ohikoa bihurtu da ia baliabiderik gabe zaurituak eta gaixoak artatzeko ahaleginean ari diren ospitaleei, klinikei eta osasun-zentroei eraso egitea.
Zure interesekoa izan daiteke
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.