AEBk Irani egindako erasoa gaitzetsi du Guterresek, eta diplomaziaren bideari eusteko eskatu
Egoeraren larritasunaz ohartarazi du Nazio Batuen Erakundeko buruak. Indarkeria ekintzak areagotzeak "ondorio katastrofikoak" izan ditzakeela uste du, bai Iranen eta baita mundu osoan ere.
AEBko Armadak, bart, Isfahan, Natanz eta Fordo Irango instalazio nuklearrak bonbardatu izana gogor gaitzetsi du Antonio Guterres Nazio Batuen Erakundeko (NBE) idazkari nagusiak. Egoera oso larria dela esan ondoren, Nazioarteko Zuzenbidea errespetatzea eta diplomaziaren bideari eustea eskatu du. Osterantzean, bere hitzetan, ondorioak "katastrofikoak" izango dira Iranen zein mundu osoan.
Guterresen arabera, "dagoeneko muturreko egoeran" dagoen herrialde batean halako erasoa egiteak, gatazka egoera areagotzea ekarriko du eta "zuzeneko mehatxua" da bakearen eta nazioarteko segurtasunaren kontra. X sare-sozialean esan ditu hitzok.
NBEko buruak uste du egoera une batetik bestera "eskutatik joan" daitekeela, eta gatazkan inplikatuta dauden aldeak Nazio Batuen Erakundeko Gutunean jasotakoa betetzera deitu ditu, euren "betebeharra" delako.
"Ez dago konponbide militarrik. Bide bakarra diplomaziarena da. Bakerako itxaropen bakarra hori da", idatzi du.
"Momentu historikoa Estatu Batuentzat"
Donald Trump Ameriketako Estatu Batuetako presidenteak baieztatu du Irango instalazio nuklearrak bonbardatu dituztela goizaldean. "Arrakasta handiz burutu dugu Irango hiru instalazio nuklearren aurkako erasoa, Fordo, Natanz eta Isfahan barne. Hegazkin guztiak Irango aire eremutik kanpo daude orain", adierazi du agintari estatubatuarrak Truth Socialen.
Etxe Zuriko maizterrak esan duenez, "Fordo jada ez dago", izan ere "bonba karga oso bat" bota omen dute instalazio nuklearraren kontra. AEBko hegazkinak jada herrialdera bueltan dira.
Ziurtatu duenez, "momentu historikoa da hau Estatu Batuentzat, Israelentzat eta munduarentzat. Iranek orian amaiera eman behar dio gerra hori. Eskerrik asko!", esan du beste mezu batean.
Nazioarteari buruzko albiste gehiago
Iranek ez du ezer baztertzen, AEBk Irango instalazio nuklearren aurkako erasoa egin ostean
Irango Atzerri ministroak adierazi duenez, AEBk "Nazio Batuen Gutuna, nazioarteko zuzenbidea eta Arma Nuklearrak Ez Ugaritzeko Ituna urratu ditu Irango instalazio nuklear baketsuei eraso eginda", Nazio Batuen Segurtasun Kontseiluko kide iraunkor gisa. Erasoak "sumingarriak" direla esan du, eta "ondorio iraunkorrak" izango dituztela gaineratu du.
AEBk Irango azpiegitura nuklearrak bonbardatu ditu
Iranen hiru instalazio nuklear bonbardatu ostean, Donald Trump AEBko presidenteak "bakea edo tragedia" aukeratzeko esan dio Irani.
Martxa jendetsuak Erroman eta Londresen, Gazako erasoaldia amaitzea, Israelekin haustea eta Europaren berrarmatzea gelditzea eskatzeko
Londresko Palestinaren aldeko Martxa Nazionalean parte hartu dutenek oihuka eskatu dute Israelek Palestinako lurraldean "okupazioa" amaitzea eta Israelek Irani egindako bonbardaketak bertan behera uztea. Erroman, milaka lagunek Europaren berrarmatzea gelditzeko eta bakea berrezartzeko eskatu dute.
Trumpek esan du Espainiak "oso gutxi" ordaintzen duela NATOko kide gisa
Horrekin batera, AEBko presidenteak berretsi du erakundeko kide guztiek BPGaren % 5 inbertitu beharko luketela defentsan.
Israelek dozenaka gazatar hil ditu, tiroka, Gaza Hirian
Ostiralean, gutxienez 70 palestinar hil dira Israelek Gazako hainbat guneren aurka egindako erasoetan, Osasun Ministerioak eta Defentsa Zibilak egindako zenbaketaren arabera. Gutxienez 25 laguntza humanitarioa jasotzeko guneetara zihoazela hil dituzte, tiroka.
Tel Aviv, Haifa, Beersheba eta bi hegazkin base misilekin eta droneekin eraso ditu Iranek
Abas Araqchi Irango Atzerri ministroak Genevan esan duenez, Israelen "erasoa gelditu eta erasotzailea epaitzen dutenean diplomaziari berriz heltzeko prest daude".
UNICEFek ohartarazi du denbora amaitzen ari dela Gazan: "Haurrak egarriz hiltzen hasiko dira"
Ia ez dago edateko urik Gazako Zerrendan, Isralek ezarritako blokeo humanitarioaren eraginez. NBEk azpimarratu duenez, erabaki politikoa da.
AEBko hedabideen arabera, Trumpek dagoeneko onartu ditu Irani eraso egiteko egitasmoak
CBSren arabera, Trumpek oniritzia eman dio aireko erasoekin Israeli laguntzeari. 'The Wall Street Journal' egunkariaren arabera, astearteko azken orduan, Trumpek goi aholkulariei esan zien azken erabakia atzeratzen ari zela, Teheranek programa nuklearra uzteko erabakiaren zain.
Sanchezek NATOri jakinarazi dio ez duela defentsako gastua gehiago igoko, eta % 5eko igoera "irrazionaltzat" jo du
Espainiako Gobernuko presidenteak aldarrikatu du gobernu bakoitzak "sakrifizio" jakin batzuk egin zein ez egin erabakitzea zilegi dela, hala nola zergak igotzea eta zerbitzu publikoak eta gizarte-prestazioak murriztea.