Ruttek uste du aliatuek onartuko dutela defentsa gastua % 5era igotzea, eta Espainiak ez duela goi-bilera arriskuan jarriko
Donald Trump AEBko presidenteak NATOko batzarraren mahai gainean jarriko du defentsa gastua handitzeko beharra. Espainiako Gobernua, baina, eztabaidaren erdigunean dago, ohartarazi baitu ez duela gastu militarra igoko.
Ruttek uste du NATOren aliatuek % 5eko igoera onartuko dutela
Mark Rutte NATOko idazkari nagusiak uste du asteazken honetako goi-bileran 32 aliatuek adostuko dutela gastu militarra % 5era igotzea, nahiz eta aitortu duen erabaki "zaila" dela. Hala, adierazi du ez dagoela beste “alternatibarik” Errusiaren mehatxuari aurre egiteko. Testuinguru horretan, esan du Espainiako Gobernua ez dela oztopo izango.
Egun osoz batzartuko dira NATOko 32 herrialdeak, eta nahasia dator goi bilera. Gaurko Hagako hitzordua azken urteetako zailena dirudi, nazioarteko egoera zein den ikusita. Donald Trumpek estreinakoz hartuko du parte kargua hartu zuenetik, eta NATOren batzarraren mahai gainean jarriko du defentsa gastua handitzeko beharra.
"Erabaki zailak dira, izan gaitezen zintzoak. Politikariek erabakiak hartu behar dituzte", esan du NATOren buruak Hagako goi-bilerara iritsi denean.
Espainiako gobernua eztabaidaren erdigunean dago; izan ere, iragan astean Pedro Sanchez presidenteak NATOren idazkari nagusiari jakinarazi zion Espainiak ez duela hartuko defentsan gastua handitzeko konpromisoa, eta esan zuen aliatuei egindako % 5era iristeko proposamena "irrazionala eta kaltegarria" dela.
Baina Alemania, Frantzia eta Italiak, berbarako, konpromisoa hartu egin dute, eta espero da gaurko goi-bileran gainerako herrialde guztiek gastu militarra BPGaren % 5era handitzeko konpromisoa hartzea.
Hala, NATOko idazkari nagusiak ez die garrantzirik eman Espainiako presidentearen hitzei, eta ziurtatu du ez dagoela kezkatuta Pedro Sanchez Espainiako Gobernuko presidentearen jarrera dela eta.
NATOkideek ados jartzea espero dute
Bart De Wever Belgikako lehen ministroak adierazi duenez, Pedro Sanchez Espainiako Gobernuko presidenteak uste badu NATOk esleitutako baliabide militarrak BPGaren % 2,1ekin finantzatu ditzakeela, eta ez % 3,5ekin, “jenioa” da.
Dick Schoof Herbehereetako jarduneko lehen ministroaren esanetan, "goizegi" da helburuak bete ezean Espainiari zer ondorio ekarriko dizkion baloratzeko. Antonio Tajani Italiako Gobernuko presidenteorde eta Kanpo Arazoetako ministroak, berriz, azpimarratu du beste herrialdeek bezalaxe, Espainiak ere “arauak errespetatu" beharko dituela.
Kyriakos Mitsotakis Greziako lehen ministroaren arabera, NATOk " banaketa justua" bermatu behar du, eta Friedrich Merz Alemaniako kantzilerrak "goi-bilera historikotzat" jo du gaurko hitzordua, eta uste du erabaki bateratu bat lortuko dela.
Albiste gehiago mundua
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.
Ukrainako bakea, fase erabakigarrian: Trump Zelenskirekin bilduko da Putinekin egon ostean
Financial Times hedabide britainiarrak jakinarazi duenez, Errusiaren eskakizunek baldintzatuko dute batzarra: Donetsk eta Luhansk, bake akordioa bermatzeko. Gainera, Ukrainako presidentea ez da bakarrik egongo Etxe Zurian, Von der Leyenekin eta beste buruzagi europar batzuekin batera bertaratuko baita.