EBk eta AEBk % 15eko muga-zergak jasoko dituen akordio baterantz aurrerapausoak eman dituzte
Iturri diplomatikoek azaldu dutenez, Japoniako eta Ameriketako Estatu Batuetako itunak "nolabaiteko giroa, burbuila efektua" sortu du, negoziatzen ari direlako eta akordioa "gertuago dagoela ematen duelako". Nolanahi ere, "zuhur" jokatu behar dela onartu dute.
Europar Batasunak (EB) eta Ameriketako Estatu Batuek (AEB) EBko produktuei % 15eko muga-zerga ezartzeko akordioa ixteko jarrerak hurbildu dituzte, Europako iturri diplomatikoek gaurjakitera eman dutenez.
Muga-zergak autoei ere aplika dakizkieke, eta AEBk Japoniarekin itxitako akordioaren antzekoa izango litzateke.
Iturriek ziurtatu dutenez, "itxura guztien arabera" Brusela eta Washington "gertuago" daude akordio batetik, Washingtonek Japoniarekin itxitako akordioak sortutako "giroaren" ostean.
Edonola ere, azpimarratu dute azken erabakia Donald Trump AEBko presidentearen esku dagoela, eta, beraz, 27 estatu kideek badaezpada kontraneurriak prestatzen jarraitzen dutela.
Iturri diplomatikoek onartu dutenez, AEBren eta Japoniaren arteko itunaren iragarpenak "kitzikatu" egin du Washingtonen eta Bruselaren arteko negoziazioa, eta akordioa "laster irits daiteke".
Japoniako eta Ameriketako Estatu Batuetako itunak "nolabaiteko giroa, burbuila efektua" sortu duela errepikatu dute, negoziatzen ari direlako eta "gertuago dagoela ematen duelako". Nolanahi ere, "zuhur" jokatu behar dela onartu dute.
Gaur goizean, Europako Batzordeak adierazi du errepresaliak, azkenean, Ameriketako Estatu Batuekin akordio bat ixten ez bada hartu behar badira, ez liratekeela abuztuaren 7ra arte indarrean sartuko.
Donald Trump AEBko presidenteak duela bi aste iragarri zuen EBtik datozen produktuei % 30eko muga-zergak ezarriko dizkiela abuztuaren 1etik aurrera, eta Europar Batasuneko Gobernuak 72.000 milioiko bigarren errepresalia sorta bat helarazi zien estatu kideei.
Emmanuel Macron Frantziako presidenteak gaur adierazi duenez, berak, Friedrich Merz Alemaniako kantzilerrak eta Europako gainerako agintariek ahalik eta muga-zerga txikienak izatea nahi dute.
Nazioarteari buruzko albiste gehiago
Israelgo Armadak Gazako hiri osoa husteko agindua eman du
Hirian dauden ia milioi bat laguni Gaza utzi eta Al Mawasi (hegoaldea) aldera "berehala" joateko esan diete.
Albiste izango da: Sumud flotillaren aurkako erasoa, Pradales-EH Bildu bilera eta Frantziako Gobernua
Orain-ek gaur landuko dituen albiste nagusien laburpena.
Sumud flotillako ontzi batek Tunisiako portuan dron bidezko erasoa izan duela salatu du
"Flotilla Global Sumudek (GSF) baieztatu du bere ontzi nagusietako bat, 'Familiaren Itsasontzia' izenekoa, GSFko Zuzendaritza Batzordeko kideak zeramatzana, erasotu dutela, eta, susmoa da drone bat izan dela", adierazi dute X. kontuan.
Bayrou Frantziako lehen ministroak konfiantza mozioa galdu eta dimisioa eman beharko du
Guztira, 364 diputatuk egin dute konfiantzaren aurka, eta 194k babesa eman diote. Ondorioz, Bayrouk dimisioa aurkeztu behar dio Emmanuel Macron presidenteari.
Europa, Israelen aurkako kritikoen eta Gazako politikarekin permisibo direnen artean banatuta
Hainbat herrialdek argi eta garbi kritikatu dute Gazako genozidioa, eta estatu palestinarra sortzearen alde agertu dira. Beste batzuek Israelgo Gobernuaren politika defendatzen dute eta aliantzen alde egiten dute.
Israelek beste etxebizitza dorre bat bonbardatu du Gaza Hirian
Israelgo Armadak beste bonbardaketa bat egin du Gaza Hiriko etxebizitza dorre baten aurka, ostiralean eraikin mota horien aurkako eraso kanpaina hasi ostean, Hamas Erresistentzia Islamikoaren Mugimenduak "helburu terroristekin" erabiltzen dituela argudiatuta.
Mileik kolpe gogorra jaso du hauteskundeetan, eta Axel Kicillofek gidatutako peronismoa suspertu egin da
"Honek agerian uzten du Argentinan badagoela beste bide bat, eta gaur hasiko gara bidea egiten", azpimarratu du hautagai peronistak.
Sei pertsona hil dituzte autobus baten aurkako erasoan, Jerusalemen
Israelgo Poliziak adierazi duenez, "neutralizatu" egin dituzte inplikatutako bi "terroristak", erasoaren ostean. Hamasek eta Jihad Islamikoak txalotu egin dute "erresistentziako bi borrokalarik" egindako erasoa.
:eitb-banner?$eitb-banner$&fmt=webp-alpha&qlt=80)
Carlo Acutis mende honetako lehenengo santu izendatu du aita santuak
Leuzemiak jota hil zen 2006an, 15 urterekin. Acutis apirilaren 27an kanonizatu behar zuten, baina zeremonia bertan behera geratu zen Frantzisko aita santua hil zelako.
83 pertsona hil ditu Israelek Gazan erasoetan, eta beste bost, gosez
Israelgo Atzerri ministro Gideon Saarrek esan du gerra amaituko litzatekeela Hamasek bahituak entregatu eta armak utziko balitu. Hamasek esan du bahituak askatzeko prest dagoela, Israelek bere indar guztiak Zerrendatik erretiratzen baditu.