60.000 pertsona inguru manifestatu dira Tel Aviven, Gazan bahituen bideoak zabaldu ostean
Gazako gatibuak Israelera bueltan eramango dituen su-eten akordio bat eskatu dute, ohi baino jende gehiagorekin egindako protesta jendetsuan, horien bideo batzuk zabaldu ostean. Bideo horietan, bahituek muturreko argaltasuna erakusten dute eta akordio bat eskatzen diete agintariei. Israelek 104 pertsona hil ditu azken orduotan Gazako Zerrendan.
60.000 manifestari inguru bildu dira larunbat honetan Tel Aviveko Bahituen Plazan, Gazako gatibuak Israelera bueltan eramateko su-eten akordio bat eskatzeko. Ohi baino jendetsuagoa izan da protesta, batik bat Hamaseko miliziek bahitutako bi israeldarren bideoak zabaldu ostean. Horietan, muturreko argaltasuna erakusten dute.
"Gazara iristen den laguntza humanitarioa, sufrimendua arintzera zuzendua, Evyatar, Guy eta beste bahitu guztiengana ere iritsi behar da. Ezin dugu onartu Hamasek bizitza eta heriotza kontrolik gabeko basakeria horrekin kudeatzea", esan zuen Evyatar David bahituaren anaiak.
"Israelgo Gobernuari, herritarrei, munduko nazio guztiei eta, bereziki, Trump presidenteari, honakoa erregutzen dizuegu: boterea daukazue. Zuen boterea erabili behar duzue, eskura dituzuen beharrezko baliabide guztiak, Evyatar, Guy eta gainerako bahituak salbatzeko", esan zuen Guy Gilboa Dalal gatibuari aipamen eginez.
Ofir Braslavski, Rom Braslavski bahituaren aita, Benjamin Netanyahu lehen ministroari ere zuzendu zaio: "Nahikoa da! Faseka egindako akordioen ikuspegiak porrot egin du. Lider bat da, eta lider batek erabakiak hartu behar ditu".
Hamasek eta Palestinako Jihad Islamikoak Evyatar David (24 urte) eta Rom Braslavski (21) bahituen bideo batzuk zabaldu dituzte berriki. Bideo horietan, nabarmen gosetuta ageri dira biak. Bahituek argaltasun handia erakusten dute, eta, horietan, akordio bat eskatzen dute etxera itzultzeko, Israelek Gazara janaria sartzen uzteaz gain. Bideo horietako batean, Eyatar David agertzen da, eta bere hilobia zulatzera behartzen dute.
Bi horiek uneotan Gazan bizirik egongo liratezkeen 20 israeldar bahituen parte dira, hildako beste 30 bahiturekin batera. Hamasek bahituen bideoak argitaratu ohi ditu, Israeli presio egiteko tresna gisa, Gazako su-etenari buruzko negoziazioen une kritikoetan. Une honetan geldirik daude eta Steve Witkoff AEBek Ekialde Hurbilean duten ordezkaria herrialdean dago egoerari aurre egiteko.
Israelek eragindako gosetearen ondorioz Gazak krisi humanitario larria jasaten duen unean zabaldu ziren irudiak, Israelek Gazara elikagai sarrera blokeatzen baitu aspalditik.
Israelen erasoek 104 gazatar hil ditu azken orduotan
Israelek 104 pertsona hil zituen larunbatean Gazako Zerrendaren aurka egindako erasoetan, eta horietatik 65 gutxienez janari bila zihoazen, tokiko Osasun Ministerioak argitaratutako eguneroko zenbaketaren arabera.
Israelen erasoaldia hasi zenetik, 60.839 pertsona hil dira guztira, eta horietatik erdia inguru adingabeak eta emakumeak dira.
Era berean, 2023ko urritik, Israel Gazako Zerrendan inbaditzen hasi zenetik, zaurituen guztizko kopurua 149.588ra igo da. Askok anputazioak eta bizitza osorako lesioak jasaten dituzte metrailaren inpaktuagatik.
Palestinako agintariek gogorarazi dutenez, milaka gazatar tona hondakinen artean harrapatuta daude, Israelek Palestinako enklabearen aurka egindako bonbardaketa etengabeen ondorioz.
Zure interesekoa izan daiteke
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.