Gazan kazetarien hilketengatik justizia eskatu du NBEk
Gutxienez 245 kazetari palestinar hil dituzte Gazan 2023ko urriaren 7an gerra hasi zenetik, bertako Gobernuaren arabera.
Gazan lanean ari zen kazetari talde bat hil du astelehen honetan Israelgo Armadak, ospitale bat bonbardatuta. Horren aurrean, NBEk justizia eskatu du.
"Gazako kazetarien hilketak mundua hunkitu beharko luke, baina ez isiltasun harrituan uzteko, baizik eta jokatzera bultzatzeko, kontuak ematea eta justizia exijituz", erantzun du Ravina Shamdasani Nazio Batuen Giza Eskubideen Bulegoko bozeramaileak.
Gogoratu duenez, lurralde palestinarra gerra eta gosete egoera betean dago, eta Israelgo agintariek inbasioaren hasieratik ukatzen dute atzerriko edozein kazetariren sarrera.
Gutxienez 245 kazetari palestinar hil dituzte Gazan 2023ko urriaren 7an gerra hasi zenetik, Gazako Gobernuaren arabera.
Hala eta guztiz ere, ez da ezagutzen Israelek kazetari palestinarren aurkako krimenengatik ikerketarik zabaldu edo zigorrik ezarri duenik.
"Kazetari horiek nazioartearen begiak eta belarriak dira, eta babestu egin behar dira. Haien hilketak, eta ezin ahaztu zibilenak, modu independente eta azkarrean ikertu behar dira", adierazi du Shamdasanik.
Israelek Nasser ospitalearen aurkako bonbardaketan hil dituen bost kazetarietatik hiru gutxienez nazioarteko hedabideentzat ari ziren lanean, eta Israelek Gazako ospitale baten aurka egindako bonbardaketa estaltzen ari ziren.
Halaber, Israelgo Armadak seigarren kazetari bat hil du astelehen honetan Al Mayasi inguruan, Gazako hegoaldean.
Nazioarteari buruzko albiste gehiago
Trumpek adierazi du "gizateriagatik" bultzatu duela Gazako akordioa, ez Bakearen Nobelagatik
Bakearen Nobel saria nork irabazi duen ostiral honetan jakinaraziko du Suediako Akademiak, eta Ameriketako Estatu Batuetako presidentea hautagaien artean dago.
Peruko Kongresuak Dina Boluarte presidentea kargugabetu du
Kargutik kentzeko lau mozio aurkeztu dituzte, "ezintasun moral iraunkorra" egotzita, herritarren segurtasun faltari eta krimen antolatuaren gorakadari aurre egiteko gai izan ez dela iritzita. Sei hilabete falta dira 2026ko hauteskunde orokorretarako.
Israelgo Gobernuak oniritzia eman dio Gazarako bake planaren lehen faseari
Hamasekin lorturiko akordioa berretsi ondoren, asko jota 24 orduko epean sartuko da indarrean su-etena. Halaber, akordioaren arabera, gehienez 72 orduko epean egin beharko dute bahituen eta preso palestinarren arteko trukea.
Hamasek aitortu du "gerra amaitu delaren bermeak" jaso dituela
AEBko, herrialde arabiarretako eta Turkitako bitartekariek gerraren amaieraren bermeak eman dizkiete, Khalil Al-Hayya Hamaseko goi agintari eta negoziazio taldeko kideak azaldu duenez.
Trumpen ustez, bahitu israeldarrak astelehenean edo asteartean askatuko dituzte
AEBko presidenteak adierazi du Egiptora joango dela igandean, lortutako akordioa sinatzera. Gazakoa konpondu duen "zortzigarren gerra" dela esan du.
Mikel Ayestaran: "Su-etena indarrean sartzen denean hasiko da laguntza humanitarioa Gazara sartzen"
Nazio Batuen Erakundeak banatuko du laguntza, lehen egiten zuten bezala. Mikel Ayestaran EITBren Ekialde Hurbileko berriemaileak azaldu duenez, "Gazako egoera muturrekoa da, eta lehentasuna goseteari aurre egitea da. Israelek azken bi urte hauetan gosea erabili du arma gisa".
Macronek asteburua baino lehen izendatu beharko du lehen ministro berria
Asteazken honetan France 2 telebista kate publikoan egindako elkarrizketa batean Sebastien Lecornu Frantziako jarduneko lehen ministroak adierazi zuen bere "misioa bukatutzat" ematen zuela. Macron aroko seigarren lehen ministroa izendatu beharko du.
Mikel Reparaz: "Su-etena albiste ona da, baina inkognita asko daude oraindik"
EITBren Nazioarteko buruak adierazi duenez, Hamasen eta Israelen arteko akordioaren xehetasunak ez dira oraindik ezagutzen, baina "armak isilaraztea dakarren akordioa beti da albiste ona".
Ospakizunak Gazan eta Tel Aviven, Israelek eta Hamasek hitzartutako akordioagatik
Khan Yuniseko gazatarrak kalera atera dira Israelek eta Hamasek ostegun honetan lortutako akordioaren lehen fasea ospatzera. Bestalde, akordioa lehenbailehen onartzeko eskatu diote bahitu israeldarren familiek Benjamin Netanyahu Israelgo lehen ministroari, "bahituentzat eta soldaduentzat ondorio larriak" saihestu aldera.
Mikel Ayestaran: "Agian larunbatean edo igandean izango da (bahitu israeldarren eta preso palestinarren) trukea"
Mikel Ayestaran EITBren Ekialde Hurbileko berriemaileak azaldu duenez, Israelek eta Hamasek adostutako su-etena eguerdian sartuko da indarrean (11:00ak Euskal Herrian). Hortik aurrera, 72 orduko epea irekiko da Gazarako bake-planaren lehen fasean adostutakoa gauzatzeko, tartean, bahitu eta preso palestinarren trukea eta Israelgo Armadaren erretiratze partziala.